02.11.2024 | 17:34
ՀՀ առողջապահության և էկոնոմիկայի նախարարները քննարկել են Հայաստանում առողջապահական զբոսաշրջության զարգացման միտումները
Մի հատ իրեն հարց տվեք՝ ինչո՞ւ է իրեն մայիսն ու հունիսն այդքան անհանգստացնում․ Էդուարդ Շարմազանով․ ՏԵՍԱՆՅՈՒԹ
Քաղաքականություն
03.10.2018 | 13:04
Ազգային ժողովի փոխնախագահ Էդուարդ Շարմազանովը չի հասկանում՝ ի՞նչ է փոխվել, որ մեկ ամիս առաջ վարչապետն արտահերթ խորհրդարանական ընտրությունների անցկացման համար նշում էր այլ ժամկետ, սակայն այժմ՝ բոլորովին այլ։
Այս մասին այսօր Ազգային ժողովում լրագրողների հետ զրույցում ասաց Շարմազանովը՝ նշելով, որ վարչապետից դեռ չի լսել հիմնավորում, թե արտահերթ խորհրդարանական ընտրություններն ինչո՞ւ պետք է տեղի ունենան դեկտեմբերին և ոչ թե, ասենք, նոյեմբերին կամ հունվարին։
ԱԺ փոխնախագահը նկատեց, որ խնդիրը ոչ թե «Հանրապետական» կուսակցության մեջ է, որը գնացել է նաև բանակցությունների, այլ նրա մեջ, որ վարչապետը ուղիղ եթերով որոշ ժամանակ առաջ հայտարարել է, որ, ամենայն հավանականությամբ, ընտրությունները տեղի կունենան մայիսի վերջ-հունիսի սկզբին, իսկ հիմա փոխում են ժամկետները։
«Մի հատ իրան հարց տվեք՝ ինչո՞ւ է իրեն մայիսն ու հունիսն այդքան անհանգստացնում։ Արդյոք մայիսի 8-ի Ազգային ժողովն արտացոլում էր հասարակության կամքը, ինչո՞ւ մայիսի 8-ին նա խորհրդարանում մեծամասնություն էր, դե թող այն ժամանակ պահանջեր արտահերթ խորհրդարանական ընտրություններ, բա ինչ փոխվե՞ց»,- հարցադրում հնչեցրեց ԱԺ փոխնախագահը։
Մանրամասները՝ տեսանյութում։
