04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
ՔՊ-ն Գյումրիում քաղաքապետ չի ունենալու․ Մարտուն Գրիգորյանը գրառում է արել առանց մանրամասների
Քաղաքականություն
31.03.2025 | 18:14
«Սիրելի գյումրեցիներ, վերահաստատում եմ ասածս` ՔՊ-ն Գյումրիում քաղաքապետ չի ունենալու` դա հաստատ է,- ֆեյսբուքյան էջում գրել է «Մեր քաղաքը» դաշինքի քաղաքապետի թեկնածու Մարտուն Գրիգորյանը։
Factor.am-ին դեռ չի հաջողվել հավելյալ մեկնաբանության համար կապ հաստատել Մարտուն Գրիգորյանի հետ՝ հասկանալու՝ արդյո՞ք գրառումը ենթադրում է, որ նա պատրաստվում է աջակցություն հայտնել ընդդիմադիր ուժերից առավելագույն քվեներ ստացած Հայաստանի կոմունիստական կուսակցության թեկնածու Վարդան Ղուկասյանին, թե՞ ոչ։
Նշենք, որ անցողիկ շեմը հաղթահարած մյուս երկու ուժերը՝ «Մայր Հայաստան» դաշինքը և «Իմ հզոր համայնք» կուսակցությունը հայտնել են, որ պատրաստ են միանալ առավելագույն քվեներ ստացած ընդդիմադիր ուժին։
Գյումրիի քաղաքապետի արտահերթ ընտրություններում նախնական տվյալներով՝ Մարտուն Գրիգորյանի «Մեր քաղաքը» դաշինք ստացել է ձայների 15,5%-ը, Ռուբեն Մխիթարյանի «Իմ հզոր համայնք» կուսակցությունը ստացել է ձայների 8,08 %-ը, իսկ «Մայր Հայաստան» դաշինքը, որի առաջին համարը Կարեն Սիմոնյանն է, ստացել է ձայների 6,11%-ը։ Իշխանության թեկնածու Սարիկ Մինասյանը ստացել է ձայների 36,21%-ը:
