06.11.2026 | 12:52
Շիրակում 12 տարեկան երեխայի նկատմամբ սեքսուալ բռնություն գործադրած անձը դատապարտվել է 10 տարվա ազատազրկման
Մենք ռազմական գործողություն չենք սկսելու. Արսեն Թորոսյան․ ՏԵՍԱՆՅՈՒԹ
Քաղաքականություն
19.03.2025 | 15:55
«Առաջին անգամը չէ, որ մենք Ադրբեջանի կողմից արձանագրում ենք նման դեստրուկտիվ գործելաոճ, երբ որևէ բան տեղի չունենալու պարագայում նման հայտարարություններ ենք լսում»,- լրագրողների հետ զրույցում հայտարարեց ԱԺ պատգամավոր Արսեն Թորոսյանը։ Նրա խոսքով՝ այս ամենը տեղեկատվական սադրանք է, որը մի քանի նպատակ է հետապնդում։
«Այս ամենով նպատակ ունեն խաթարելու մեր երկրի ներսում կայունությունը։ Նման դեպքեր էլի ենք ունեցել, որ բոլորս ահ ու սարսափի մեջ ապրենք»,- ասաց նա՝ հավելելով, որ որևէ փաստարկ Ադրբեջանի կողմից չի ներկայացվում, որ կրակոց է եղել։
«Ադրբեջանի համար մի քիչ անսապասելի էր «Խաղաղության պայմանագրի» արագ համաձայնեցումը և նրանք խնդիր են տենում իրենց անսպասելիությունից դուրս գալու, իրենց քաղաքական գինը տարբեր դերակատարների մոտ բարձրացնելու։ Մեր պաշտպանական գերատեսչությունը պետք է ուշի-ուշով հետևի մեր սահմանային իրավիճակին, անկախ նրանից՝ կլինեն նման հայտարարություններ, թե չեն լինի, և ցանկացած դեպքում պատրաստ լինի արձագանքելու։ Մենք հայտարարել ենք, որ որևէ գործողություն չենք անի մեր հարևանների նկատմամբ, ճանաչել ենք նրանց տարածքային ամբողջականությունը»,- հավելեց նա։
Մանրամասները՝ տեսանյութում։
