Հասարակություն
18.03.2025 | 15:32Երբ մենք 2023 թվականին՝ նախընտրական շրջանում ասում էինք՝ «Ասե՛ք՝ կանենք» ուղղակի խոստում չէր, այլ հստակ աշխատանքային ծրագիր, որի մի կարևոր հատված 2024-ին իրականացրել ենք։ Այս մասին ավագանու հերթական նիստի ժամանակ ասաց Երևանի քաղաքապետ Տիգրան Ավինյանը։
«Մենք ունեցել ենք մի քաղաք, որտեղ մայթերը զավթված են, այգիները բաժանված են տարբեր անհատների և ընկերությունների միջև, տարբեր հետաքրքրություններ ունեցող մարդիկ տարբեր հատվածներում իրենց գործունեությունն են ծավալել և ընդհանուր առմամբ բիզնես տրամադրությամբ քաղաք ենք ունեցել։ Ի՞նչ ենք արել մենք․ մաքրել ենք այգիները, բացազատել ենք բակային տարածքները, սարքել ենք 124 բակ, 7 այգի, շարունակաբար ազատել ենք մայթերը կրպակներից, բայց ամենատարօրինակն ու ամենասխալն ինձ համար այն է, որ 2018 թվականից հետո մի մեծ ծավալի նախկին 30 տարվա ընթացքում գեներացված սև փողեր որևէ կերպ արձագանք և պատասխան չեն ունեցել։ Եվ հիմա այդ սև փողերն ուղղվում են տարբեր լրատվամիջոցների, տարատեսակ բլոգերների, քաղաքական ուժերի և այդ քաղաքական ուժերը, որ հիմա սպիտակ մորթին հագած ասում են՝ մենք ոչ մեկի հետ կապ չունենք, այսօր մեզ ասում են՝ 4-րդ կարգի վթարային բնակարանների հարցը խոստացել եք և չեք լուծել։ Վա՜յ կներեք, եկեք ես ձեզ հիշեցնեմ, թե Հյուսիսային պողոտայում ոնց էին մարդկանց բռնի հանում շպրտում դուրս, որ հիմա եվրոպական դատարաններով անցած բոլոր գործերով ՀՀ-ն վճարում է այդ մարդկանց։ Դուք դրա հետ կապ չունեք, չէ՞»,- ասաց Ավինյանը՝ դիմելով ընդդիմությանը։
Մանրամասները՝ տեսանյութում։
