06.10.2026 | 17:54
Վահագն Խաչատուրյանն ու Գերմանիայի դեսպանը քննարկել են երկկողմ հարաբերությունների զարգացումը
ԱԺ-ն կքննարկի Կառավարության ծրագրի 2024 թվականի կատարման արդյունքների մասին նախագիծը
Քաղաքականություն
11.03.2025 | 17:49
Այս շաբաթվա ընթացքում խորհրդարանը կքննարկի Կառավարության ծրագրի 2024 թվականի կատարման արդյունքների մասին նախագիծը։ Ընթացակարգի համաձայն՝ այն նախ կքննարկվի հանձնաժողովների նիստերում, ապա կընդգրկվի լիագումար նիստերի օրակարգում։
Մարտի 14-ին արդեն ԱԺ Արտաքին հարաբերությունների հանձնաժողովում կքննարկվի ՀՀ կառավարության ծրագրի 2024 թվականի կատարման ընթացքի և արդյունքների մասին զեկույց, որը կներկայացնի ԱԳ նախարար Արարատ Միրզոյանը։
Հիշեցնենք, որ փետրվարի 27-ի նիստում գործադիրը հավանություն է տվել ՀՀ Կառավարության ծրագրի (2021-2026 թթ.) 2024 թվականի կատարման ընթացքի և արդյունքների մասին նախագծին։
«Զեկույցը ներառում է կառավարության ծրագրի կատարման վերաբերյալ արդյունքային և թվային ցուցանիշներ։ Նշեմ, որ զեկույցում ներառված են նաև 2024 թվականին Հայաստանի սոցիալ-տնտեսական պատկերը նկարագրող ցուցանիշները, ինչպես նաև միջազգային հեղինակավոր մի շարք վարկանիշներում Հայաստանի առաջընթացի վերաբերյալ տվյալները, որոնք ևս ի ցույց են դնում Կառավարության կողմից նախաձեռնված բարեփոխումների բովանդակությունն ու արդյունքները»,- ասել է փոխվարչապետ Մհեր Գրիգորյանը։
Մանյա Պողոսյան
