06.10.2026 | 11:27
Ռուսական զորքերը հարվածել են Զապորոժիեում Դնեպր գետի վրայով անցնող կամուրջներից մեկին․ 5 մարդ տուժել է
Բողոքի ակցիայի 2 մասնակցի կալանավորելու միջնորդություն է ներկայացվել դատարան
Քաղաքականություն
10.03.2025 | 17:56
Մարտի 7-ին Նաիրի Զարյան փողոցում բողոքի ակցիայից հետո երեք ձերբակալվածներից 2-ին կալանավորելու միջնորդություն է ներկայացվել դատարան։ Այս մասին Factor.am-ին փոխանցեց Քննչական կոմիտեի մամուլի խոսնակ Կիմա Ավդալյանը։
«Երկու անձի նկատմամբ կալանքը որպես խափանման միջոց ընտրելու վերաբերյալ միջնորդություններ են ներկայացվել դատարան, որոնցից մեկը մերժվել է»,- ասաց խոսնակը։
Դատարանը մերժել է մայթին բարձրացած մեքենայի դիմապակին կոտրած և վարորդին հարվածած անձի կալանքի միջնորդությունը, մյուս միջնորդությունը դեռ քննվում է։
Factor TV-ն այդ պահը չի արձանագրել, բայց ակցիայի մասնակիցը պնդում էր, որ վարորդը մեքենան վարել է իր ուղղությամբ։
Հիշեցնենք՝ Նաիրի Զարյան փողոցում մարտի 7-ին բողոքի ակցիա էին իրականացնում Վրացական 6, 4 և Նաիրի Զարյան 15, 15Ա բազմաբնակարան շենքերի բնակիչները: Նրանք փակել էին ճանապարհը՝ պահանջելով դադարեցնել կառուցվող բարձրահարկի շինարությունը։
Արփի Հակոբյան
