09.10.2026 | 10:30
Ալիևը հույս է հայտնել, որ Թրամփը Նոբելյան մրցանակի կարժանանա Հայաստանի ու Ադրբեջանի միջև խաղաղություն հաստատելու ջանքերի համար
Պեսկովը հայտնել է, որ ԱՄՆ նախագահի երդմնակալությունից հետո Պուտինն ու Թրամփը մեկ անգամ են հեռախոսազրույց ունեցել
Քաղաքականություն
10.03.2025 | 16:01
Ռուսաստանի նախագահ Վլադիմիր Պուտինը միայն մեկ հեռախոսազրույց է ունեցել ԱՄՆ նախագահ Դոնալդ Թրամփի հետ՝ 2025 թվականի հունվարին ԱՄՆ նախագահի պաշտոնը վերջինի ստանձնելուց հետո։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Նրանց հեռախոսային կապերն այնքան էլ հաճախ չեն։ Իրականում նրանք ընդամենը մեկ խոսակցություն են ունեցել»,- ասել է Կրեմլի խոսնակը։
Պուտինի և Թրամփի վերջին հեռախոսազրույցը, որի մասին հայտնել է Կրեմլը, տեղի է ունեցել փետրվարի 12-ին։
Պեսկովը նաև հայտարարել է, որ Ռուսաստանին և ԱՄՆ-ին երկար ու դժվարին ճանապարհ է սպասվում, մինչև երկու երկրները վերականգնեն հարաբերությունները։
«Մենք գտնվում ենք մեր երկկողմ հարաբերությունների վերականգնման ճանապարհի սկզբնական փուլում: Առաջիկա ճանապարհը բավականին երկար է և բարդ։ Առնվազն երկու նախագահները քաղաքական կամք են արտահայտել այդ ուղղությամբ»,- հայտարարել է Պեսկովը և նշել, որ ԱՄՆ նախագահը «բավականաչափ կառուցողական է երկխոսության մեջ լինելու և խնդիրները լուծելու համար»։
Թարգմանությունը՝ Էմմա Չոբանյանի
