Հասարակություն
10.03.2025 | 12:38«Շատ փնթի օրենք են ընդունել, բայց Կառավարությունը տեղի չի տալիս, որովհետև քիչ ենք հավաքվում»,- Կառավարության շենքի դիմաց նման կարծիք արտահայտեց բողոքի ակցիա իրականացնող տնտեսավարողներից մեկը։
«Եթե հիմա ստեղ հավաքված լինեինք 2500 հոգի, հաստատ իրենք հանգիստ չէին նստի։ Եթե մարդիկ բողոք ունեն, պիտի գան ստեղ»,- ասաց տնտեսավարողը, որն ակցիայի համար Գավառից էր եկել։
Նշենք, որ տնտեսվարողները պետք է գույքագրեն առկա ապրանքները՝ անկախ այն հանգամանքից՝ դրանք փաստաթղթավորվա՞ծ են, թե՞ ոչ։
Նշենք, որ այս տարեսզկբից Հայաստանի Հանրապետության հարկային օրենսգրքում կատարվել են փոփոխություններ, որոնք վերաբերում են նաև ապրանքների գույքագրման գործընթացին: Նախկինում շրջանառության հարկ վճարողները ազատված էին հարկային գործակալի պարտավորություններից։ Գույքագրման գործընթացում հարկային մարմնի պաշտոնատար անձինք պարտավոր են հարկ վճարողների մոտ իրականացնել ապրանքների փաստացի մնացորդների գույքագրում՝ արձանագրելով դրանք ըստ մատակարարման և պահպանման վայրերի: Այս գործընթացը նպատակ ունի հայտնաբերել հնարավոր պակասորդները և ապահովել հարկային պարտավորությունների ճշգրիտ հաշվարկը: Տնտեսվարողները դեմ են այս օրենքին։
Մանրամասները՝ տեսանյութում։
