06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ձերբակալություն` քաղաքապետարանում
Հասարակություն
04.03.2025 | 14:12
Factor.am-ի տեղեկություններով` այսօր առավոտյան Հակակոռուպցիոն կոմիտեն ձերբակալել է Երևանի քաղաքապետարանի աշխատակազմի կոմունալ տնտեսության վարչության պետ Արսեն Կարոյանին: Նշենք, որ նա այս պաշտոնում նշանակվել էր դեռևս 2020 թվականին, քաղաքապետ Հայկ Մարությանի պաշտոնավարման ժամանակ: Մեր տեղեկություններով` նա ձերբակալվել է կաշառք ստանալու կասկածանքով: Հակակոռուպցիոն կոմիտեի մամուլի խոսնակը Factor.am-ի հարցին ի պատասխան՝ ասաց, որ տեղյակ չէ, կհայտնի տեղեկությունը ճշտելուց հետո։
Քաղաքապետի մամուլի քարտուղար Հայկ Կոստանյանը հաստատեց Factor.am-ի տեղեկությունը` հորդորելով դիմել Հակակոռուպցիոն կոմիտե:
Ավելի ուշ Կոստանյանը գրառմամբ հավելեց․ «Տեղեկացնում եմ, որ դեռևս նախորդ ամիս Երևանի քաղաքապետարանի պաշտոնյանների ձերբակալությունից հետո, նշված գործի շրջանակում այսօր ձերբակալվել է Երևանի քաղաքապետարանի ևս մեկ պաշտոնյա»։
Արփի Հակոբյան
