06.10.2026 | 22:37
Թարմացվել է Ադրբեջանում քաղբանտարկյալների ցուցակը․ դրանում ներառված է 322 անձ
Որոշում կա. Արման Եղոյանը` ԱՄՆ-ից ՀՀ ժամանող մասնագիտական խմբի մասին
Քաղաքականություն
03.03.2025 | 15:15
Քաղաքական որոշումը կա, զուտ ժամանակի հարց է։ ՀՀ ԱԺ-ում Factor TV-ի հարցին ի պատասխան մեկնաբանեց ԱԺ ՔՊ խմբակցության պատգամավոր Արման Եղոյանն` անդրադառնալով ԱՄՆ սահմանային հսկողության մասնագիտական խմբի Հայաստան ժամանման ձգձգմանը։
«Հիմա կարող է լինել մեկ շաբաթ շուտ, մեկ շաբաթ ուշ, ի՞նչ տարբերություն։ Ես չէի կենտրոնանա ժամանակի վրա, այլ կկենտրոնանայի քաղաքական կամքի վրա»,– ասաց նա։
Ըստ Եղոյանի` ԱՄՆ–ում հեռացող ադմինիստրացիան իր հեռանալուց մեկ շաբաթ առաջ որևէ պայմանագիր կամ համաձայնագիր չի կարող ստորագրել այլ պետության հետ առանց արդեն իսկ եկող վարչակազմի հետ համաձայնեցման։
«Այնպես որ` այդ համաձայնեցումը եղել է, մնացածն արդեն ժամանակի հարց է»,– նշեց Եղոյանը՝ անդրադառնալով Բայդենի վարչակազմի հետ ստորագրված հայ-ամերիկյան ռազմավարական համագործակցության կանոնադրությանը։
