13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Մեղրամիսն ավարտվել է․ իշխանությունները պետք է համակերպվեն․ Մելիքյանը՝ «Ազատություն» ռադիոկայանի քննադատական մոտեցման մասին․ ՏԵՍԱՆՅՈՒԹ
Հասարակություն
03.03.2025 | 14:38
Իշխանությունները պետք է համակերպվեն, որ «մեղրամիսն» արդեն ավարտվել է, և քննադատություններ կարող են հնչել։ Այս մասին այսօր Մեդիա կենտրոնում «Լրատվամիջոցների թիրախավորման վտանգները. «Ազատություն» ռադիոկայանի դեպքը» թեմայով քննարկման ժամանակ ասաց Խոսքի ազատության պաշտպանության կոմիտեի նախագահ Աշոտ Մելիքյանը։
«Մեծ հաշվով՝ մեր դիրքորոշումն արտահայտել ենք մեր հայտարարության մեջ, բայց կուզենայի մի քանի շեշտադրում անել: Նախ անդրադառնամ բարձրաստիճան պաշտոնյայի այն գրառմանը, որտեղ ասվում էր, թե «Ազատությունն» արդեն ֆեյք է տարածում: Միանգամից ասեմ, որ այդ հրապարակման մեջ եւ դրանից առաջ որեւէ ֆեյք չկար, եւ որպեսզի լավ հասկանանք, թե ինչի մասին է խոսքը, ապա գոյություն ուներ որպես փաստ՝ բարձրաստիճան պաշտոնյայի ֆեյսբուքյան գրառում, որպես փաստ գոյություն ուներ Երևանը՝ իր կոլափս տրանսպորտային վիճակով, հետեւաբար լրատվամիջոցը կարող է օգտագործել այդ երկու փաստերը եւ գնահատող դատողություն անել»,- Մեդիա կենտրոնում կայացած «Լրատվամիջոցների թիրախավորման վտանգները. «Ազատություն» ռադիոկայանի դեպքը» թեմայով քննարկման ժամանակ նշեց Մելիքյանը՝ անդրադառնալով վարչապետի աշխատակազմի ղեկավար Արայիկ Հարությունյանի հայտնի գրառմանը:
Մանրամասները՝ տեսանյութում։
