06.10.2026 | 12:37
TRIPP-ի զարգացմանը զուգահեռ սպասվում է Հայաստան–Թուրքիա սահմանի բացում․ Փաշինյան
Դժգոհ գործիչները որքանո՞վ են փորձում իրացնել պատասխանի իրենց իրավունքը․ Արևիկ Սահակյան․ ՏԵՍԱՆՅՈՒԹ
Հասարակություն
03.03.2025 | 14:14
Որքանո՞վ են պաշտոնյաները փորձում իրացնել իրենց պատասխանի իրավունքը մինչ լրատվամիջոցների աշխատանքից դժգոհելը։ Այսօր Մեդիա կենտրոնում «Լրատվամիջոցների թիրախավորման վտանգները. «Ազատություն» ռադիոկայանի դեպքը» թեմայով քննարկման ժամանակ նման հարց ուղղեց Factor TV-ի գործադիր տնօրեն Արևիկ Սահակյանը՝ դիմելով պաշտոնյաներին։
«Եթե չեն փորձել, և առանց փորձելու թիրախավորում են և գնահատականներ են հնչեցնում, իհարկե, դա ճիշտ չէ։ Առավել ևս մի քիչ զավեշտալի է հնչում, երբ «Ազատություն» ռադիոկայանին փորձում են դասեր տալ, օրինակ, մեկ այլ ՔՊ-ական, նախկին լրագրող, պրոֆեսիոնալ լրագրության, տարբեր կարծիքների համադրմամբ ռեպորտաժ պատրաստելու վերաբերյալ։ Լավ է, որ «Ազատության» սահմանած չափանիշները փորձում են հիշեցնել, բայց կարծում եմ՝ իրականում լավ կլիներ, որ այդ նույն նախանձախնդրությամբ ուշադիր հետևեին նաև իշխանական որոշ լրատվամիջոցների գործունեությանը, որոնց տարածած մեդիաբովանդակությունը ոչ թե կիսաճշմարտություն չէ, այլ ուղղակի ապատեղեկատվություն է»,- նշեց Արևիկ Սահակյանը։
Մանրամասները՝ տեսանյութում։
