03.08.2026 | 11:35
Վահան Բիչախչյանն առաջին արդյունավետ գործողությունն է կատարել նոր մրցաշրջանում. ՏԵՍԱՆՅՈՒԹ
Ինչո՞ւ են փակվել Զինծառայողների ապահովագրության հիմնադրամին պարտադիր վճարների մասին տվյալները
24.02.2025 | 18:50
Զինծառայողների ապահովագրության ազգային հիմնադրամն անհասանելի է դարձրել քաղաքացիների կամ ընկերությունների կողմից կատարված պարտադիր դրոշմանիշային վճարների մասին տեղեկատվությունը։ Նախկինում հիմնադրամի կայքում հնարավոր էր անձի կամ կազմակերպության նույնականացման միջոցով տեսնել, թե ինչքա՞ն գումար է փոխանցվել հիմնադրամին։ Ներկայում այդ էջը փակ է։
Թե ինչն է պատճառը, որ տեղեկատվությունը սահմանափակվել է, հիմնադրամի հանրային կապերի և հաղորդակցության ղեկավար Նարինե Գալստյանը Factor.am-ին պատասխանեց, որ դրոշմանիշային վճարների մասին տեղեկատվությունը կապուղու միջոցով ստացվում էր ՊԵԿ-ի համակարգից, սակայն պարբերաբար խնդիրներ էին լինում կապուղու հետ և հնարավոր էր, որ տվյալները ճշգրիտ չէին արտացոլվում և դա թյուրիմացությունների տեղիք էր տալիս։ Ն․ Գալստյանը նաև հայտնեց, որ կայքը նոր է թողարկվել, բայց հստակ որոշում չկա՝ արդյո՞ք հետագայում տվյալները կբացվեն, թե՞ ոչ։
«Ճշգրիտ տվյալ ստանալու համար դիմեք ՊԵԿ»,- հորդորեց Գալստյանը։
Գայանե Խաչատրյան
