07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Կարծում եմ՝ կտեսնենք Հյուսիս-Հարավը կառուցված. Աշոտ Հակոբյան. ՏԵՍԱՆՅՈՒԹ
Տնտեսություն
27.09.2018 | 13:35
ՀՀ կառավարությունն ուզում է առաջնահերթ ավարտին հասցնել Հյուսիս-Հարավ մայրուղու՝ խիստ անհրաժեշտ հատվածը: Այս մասին այսօր՝ սեպտեմբերի 27-ին կառավարության նիստից հետո լրագրողների հետ ճեպազրույցում հայտարարեց ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանը:
Հարցին՝ ի վերջո Հյուսիս-Հարավը կկառուցվի՞, կտեսնե՞նք այն, նախարարը պատասխանեց. «Կարծում եմ՝ կտեսնենք: Այն, ինչի համար մեղադրում էին մինչև հիմա, թե ինչու են սկսել Աշտարակ-Արտաշատ հատվածից, մասնակի մենք էլ ենք համաձայն: Իհարկե՝ դա էլ իր արդարացումներն է ունեցել ժամանակին: Մի փոքր չակերտները բացեմ. հիմա նախատեսում ենք ամենադժվար հատվածում գործն առաջ գցել, որ ավելի էական է՝ Սիսիան-Քաջարան հատվածում, և պրոյեկտը մասնատել: Մենք ուզում ենք խիստ անհրաժեշտ հատվածն ավարտին հասցնել»:
Ինչ վերաբերում է մայրուղու Աշտարակի հատվածում իրականացվող նորոգման աշխատանքներին. նախարարի խոսքով՝ այդ ճանապարհը դեռևս ընդունված չէ, ճանապարհի ավարտական ակտ չկա: «Իրենք պարտավոր են այդ բոլոր թերությունները վերացնել: Մենք էլ փորձաժամկետ ունենք, կտեսնենք՝ այդ թերությունները վերանում են, թե՞ ոչ»,- նշեց Աշոտ Հակոբյանը:
Մանրամասները՝ տեսանյութում
