14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Ամերիաբանկը ներգրավել է 200 միլիոն ԱՄՆ դոլարի վարկ. IFC-ի ամենախոշոր գործարքը ՀՀ ֆինանսական հաստատության հետ. ՏԵՍԱՆՅՈՒԹ
Տնտեսություն
14.01.2025 | 19:45
Վճարովի բովանդակություն
Միջազգային ֆինանսական կորպորացիան (IFC) և ՀՀ-ում ամենախոշոր վարկային պորտֆել ունեցող Ամերիաբանկը միավորում են ջանքերը՝ Հայաստանում կլիմայական ծրագրերի, փոքր և միջին բիզնեսների ֆինանսավորումն ընդլայնելու և կանանց ձեռնարկություններին աջակցելու համար:
«Մենք Ամերիաբանկի հետ միասին սկսում ենք Հայաստանի կայուն զարգացմանն ուղղված նոր նախաձեռնություն»,- նշում է Եվրոպայում Ֆինանսական հաստատությունների խմբի IFC-ի տարածաշրջանային ավագ ղեկավար Մարսելո Կաստելյանոսը։
Ներդրումների ընդհանուր ծավալը կազմելու է 200 միլիոն դոլար: Այս խոշոր ծրագրի նպատակն է աջակցել բիզնես նախաձեռնություններին և ծառայություններին, որոնք դիմակայում են կլիմայի փոփոխությամբ պայմանավորված մարտահրավերներին, ընդլայնում են կին ձեռներեցների հնարավորությունները ու նպաստում Հայաստանի կայուն ապագայի ձևավորմանը։
«Այս պայմանագրի առանձնահատկությունը կայանում է նրանում, որ հանդիսանում է խոշորագույն վարկային պայմանագիրը, որը երբևէ կնքվել է Միջազգային ֆինանսական կորպորացիայի և Հայաստանում ֆինանսական կառույցի հետ։ Այս ֆինանսական միջոցների նպատակն է աջակցել փոքր և միջին բիզնեսին և ՀՀ տնտեսական զարգացման կոյունությանը»,- ընդգծում է Ամերիաբանկի Տնօրինության նախագահ-գլխավոր տնօրեն Արտակ Հանեսյանը։
Ներդրումների արդյունքում առաջիկա տարիների ընթացքում կստեղծվեն հազարավոր աշխատատեղեր, իսկ ջերմոցային գազերի տարեկան արտանետումները կկրճատվեն մոտ 40,000 տոննա CO2-ով, ինչը համարժեք է տարեկան բենզինային շարժիչով աշխատող 9,000 մեքենայի երթևեկությունից դուրս բերմանը։
«Ամերիաբանկը մեզ համար հիանալի գործընկեր է, ժամանակի ընթացքում մեր գործընկերությունն աճել է և զարգացել, մենք երկար տարիներ ենք աշխատել Ամերիաբանկի հետ և շատ ուրախ ենք դրա համար։ Ամերիաբանկը շուկայի առաջատարն է, որը երկրում սատարում է կանաչ օրակարգը, ինչպես նաև՝ աշխատատեղեր ստեղծելու օրակարգը, ինչն այս հաստատության միջոցով Հայաստանին աջակցելու ֆանտաստիկ հնարավորություն է մեզ ընձեռում»,- ասում է Եվրոպայում Ֆինանսական հաստատությունների խմբի IFC-ի տարածաշրջանային ավագ ղեկավար Մարսելո Կաստելյանոսը։
2009 թվականից ի վեր Ամերիաբանկը միջազգային ֆինանսական հաստատությունների և խոշոր ներդրողների աջակցությամբ էներգաարդյունավետության և վերականգնվող էներգիայի նախագծերի ֆինանսավորմանն է ուղղել ավելի քան 250 միլիոն դոլար: Մինչ օրս Ամերիաբանկը տարբեր միջազգային ֆինանսական հաստատություններից ներգրավել է 1,4 մլրդ դոլարի ֆինանսավորում և այդ միջոցներն ուղղել է Հայաստանի համար կենսական կարևորություն ունեցող տնտեսական ոլորտների զարգացմանը։ Իսկ այս գործընկերությունը և գործարքը ևս մեկ անգամ արտացոլում են ՀՀ-ում ամենախոշոր վարկային պորտֆելն ունեցող Ամերիաբանկի հանձնառությունը՝ խթանելու կայուն զարգացումը և առաջնորդելու ժամանակակից փոխակերպումները:
«Մենք շատ բարձր ակնկալիքներ ունենք Ամերիաբանկի հետ կնքվող այս պայմանագրից, ակնկալում ենք իսկապես զգալի ազդեցություն՝ հաշվի առնելով, որ միջոցների 50%-ը նախատեսվում է ուղղել կանաչ ֆինանսավորմանը, իսկ 25%-ը՝ կին ձեռնարկատերերին, որոնց համար ֆինանսավորում ստանալը երբեմն ավելի դժվար է, քան ընդհանրապես ՓՄՁ-ների դեպքում: Այ-Էֆ-Սի-ն նաև ցանկանում է իր դերն ունենալ՝ աջակցելով կառավարությանը և բնակչությանը՝ ավելի կայուն դառնալու իրենց հավակնոտ նպատակների իրագործման ճանապարհին»,- նկատում է IFC-ի Հարավային Կովկասի տարածաշրջանային տնօրեն Իվանա Ֆերնանդես Դուարտեն։
Հանդիսանալով Հայաստանի տնտեսության ամենախոշոր վարկատուն՝ Ամերիաբանկն ունի 1,1 տրիլիոն ՀՀ դրամի ընդհանուր համախառն վարկային պորտֆել, որի կազմում ՓՄՁ-ներին բաժին ընկնող համախառն պորտֆելը 2024թ. սեպտեմբերին կազմել է 252 մլրդ ՀՀ դրամ՝ գրանցելով տպավորիչ 25% աճ նախորդ տարվա համեմատ և 21,6% եռամյա համակցված տարեկան աճի տեմպ (CAGR): Վերջին երեք տարվա ընթացքում Ամերիաբանկի ՓՄՁ հաճախորդների թիվն աճել է 45%-ով և այս պահին կազմում է շուկայի 25%-ը:
Մանրամասները՝ տեսանյութում։
Արփի Հակոբյան
