08.01.2025 | 23:43
Հրդեհ Վանթյան փողոցի տներից մեկում. դեպքի վայր է մեկնել չորս մարտական հաշվարկ
Տարաձայնությունները կխոչընդոտեն 2025թ․ Հայաստանի և Ադրբեջանի միջև խաղաղության համաձայնագրի կնքմանը․ Stratfor
Քաղաքականություն
07.01.2025 | 12:48
2025 թվականին Հարավային Կովկասը կմնա աշխարհաքաղաքական ազդեցության մարտադաշտ, քանի որ Հայաստանն ու Ադրբեջանն արտաքին աջակցություն են փնտրում՝ խաղաղ բանակցություններում իրենց դիրքերն ամրապնդելու համար, գրում է Stratfor-ը։
Ըստ հրապարակման՝ Հայաստանն ու Ադրբեջանը, ամենայն հավանականությամբ, կշարունակեն շարժվել դեպի խաղաղության համաձայնագիրը, սակայն Հայաստանում սահմանադրական փոփոխությունների, սահմանների ամբողջական սահմանազատման մանրամասների և հաղորդակցությունների բացման հետ կապված տարաձայնությունները, հավանաբար, կխոչընդոտեն խաղաղության համաձայնագրի կնքմանը 2025 թվականին:
Այս հարցերից մի քանիսը կարող են հետաձգվել հետագա համաձայնության համար, բայց քանի դեռ չկա համաձայնություն, տարածաշրջանում հակամարտության բռնկման հավանականությունը կպահպանվի, քանի որ Բաքուն օգտագործում է իր ռազմական առավելությունը բանակցություններում լծակները պահպանելու համար: Երկու կողմերն էլ կփնտրեն օտարերկրյա հովանավորներ, որոնք կօգնեն նրանց պահպանել լծակները բանակցություններում:
Նշվում է, որ Ադրբեջանն ու Հայաստանը կխուսափեն Մոսկվային հակադրվելուց՝ հաշվի առնելով Ռուսաստանի ուժեղ ազդեցությունն Ուկրաինայում և ռուսամետ վրացական կառավարությունը՝ որպես առաջիկա տարիներին Հարավային Կովկասի վրա ազդելու՝ Մոսկվայի ռեսուրսների ավելացում:
Հրապարակման մեջ ասվում է նաև, որ ԱՄՆ-ից ուժեղ աջակցություն ապահովելու՝ Հայաստանի ջանքերը կխափանվեն, քանի որ նորընտիր նախագահ Դոնալդ Թրամփի վարչակազմն առաջնահերթություն է տալիս Բաքվի հետ ամուր հարաբերություններին՝ որպես հակակշիռ Ռուսաստանի, Իրանի և Չինաստանի տարածաշրջանային ազդեցության:
Փոխարենը, Հայաստանը հույսը դնելու է Ֆրանսիայի ռազմական տեխնիկայի վրա և ձգտելու է մեծացնել առևտուրը Եվրամիության հետ: Հայաստանը կօգտագործի Արևմուտքի հետ աճող քաղաքական և անվտանգային կապերը՝ փորձելու Ադրբեջանին հետ պահել էսկալացիայից և դիմակայել խաղաղ բանակցություններում Բաքվի ամենաուժեղ պահանջներին, այն է՝ տարանցումը Հայաստանի հարավով:
Թարգմանությունը՝ Տաթև Ֆռանգյանի
