04.06.2026 | 14:14
Հայաստանի և Ադրբեջանի միջև հակամարտությունը մնացել է անցյալում․ Թուրքիայի խորհրդարանի նախագահ
Փաշինյանը չէ պարտության միակ մեղավորը, մի օր կխոսեմ. Գեղամ Նազարյան․ ՏԵՍԱՆՅՈՒԹ
Քաղաքականություն
02.12.2024 | 12:34
«Հայաստան» խմբակցությունից հեռացած պատգամավոր Գեղամ Նազարյանը պնդում է՝ իր դեմ պայքար է տարվել, փորձում է հասկանալ՝ որն է պատճառը։ Լրագրողների դիտարկմանը, որ, գուցե, պատճառն այն է, որ ասել է՝ «ներում եմ Նիկոլ Փաշինյանին»՝ նա արձագանքեց։ «Կարող էի դա չասել, չէ՞, իմ մտքում պահել, բայց ես հատուկ եմ ասել։ Ներելը քրիստոնեական հասկացողություն է, երբ ես ասում եմ, որ Նիկոլին ներել եմ, չի նշանակում, որ հասկացել եմ՝ Նիկոլը ճիշտ էր կամ նրա գործողություններն օրինաչափ էին, որ Նիկոլը չպետք է պատասխան տա այն որոշումների համար, որը հանգեցրեց ծանր կորուստների»,- ասաց նա։
Գեղամ Նազարյանը նաև նշեց, որ մի օր մարդկանց կփորձի բացատրել, որ պատերազմի միակ մեղավորն ու պատասխանատուն Նիկոլ Փաշինյանը չէ։ Նա շնորհակալություն հայտնեց ՀՀ երկրորդ նախագահ Ռոբերտ Քոչարյանին, որ իրեն ընդգրկել է ցուցակում և ինքն ընտրվել է պատգամավոր։
«Ես իրենից շնորհակալ եմ, մեր զրույցը շատ բարձր մակարդակի եղավ, մենք իրար ձեռք սեղմեցինք ոչ թե հրաժեշտի, այլ՝ որ մենք ընկներներ ենք»,- ասաց Գեղամ Նազարյանը։
Ինչ վերաբերում է Նիկոլ Փաշինյանին, Նազարյանը վստահեցրեց , որ պատերազմից հետո ոչ մի անգամ նրա հետ չի հանդիպել, միայն հարցեր է ուղղել վարչապետին կառավարություն- ԱԺ հարցուպատասխանի ընթացքում։
Մանրամասները` տեսանյութում։
