07.08.2026 | 21:17
Իզյումի վրա ռուսական հարվածի հետևանքով 2 մարդ է զոհվել
ԵնթաԴՐՈՒԹՅՈՒՆ. Եթե Նիկոլ Փաշինյանը փորձի գնալ ԱԺ-ն ժողովրդի ճնշմամբ լուծարելու ճանապարհով, ի՞նչ զարգացումներ են սպասվում
Քաղաքականություն
19.09.2018 | 20:49
Թեև վարչապետ Նիկոլ Փաշինյանի ներկայացրած կառավարության ծրագրով արտահերթ խորհրդարանական ընտրությունները պետք է անցկացվեն մեկ տարվա ընթացքում, այդուհանդերձ այժմ քաղաքական տարբեր շրջանակների, այդ թվում՝ իշխանության որոշ ներկայացուցիչների կողմից խոսվում է առավել սեղմ ժամկետներում խորհրդարանի լուծարման և արտահերթ ընտրությունների անցկացման մասին:
Սահմանադրական միակ ճանապարհը, որն այժմ կա, դա կառավարության հրաժարականն է: Փաշինյանը, սակայն, արդեն հայտարարել է՝ չի պատրաստվում այդ ճանապարհով գնալ, քանի որ մտավախություն ունի, որ ՀՀԿ-ն վարչապետի այլ թեկնածու կառաջադրի և կընտրի:
Վարչապետը այդ ամենից խուսափելու համար առաջարկել է սահմանադրական փոփոխությունների միջոցով հասնել նրան, որ Ազգային ժողովն ինքնալուծարվի, առանց կառավարության հրաժարականի: Ստեղծված քաղաքական իրավիճակում, երբ խորհրդարանի թվով երկրորդ քաղաքական ուժը՝ «Ծառուկյան» դաշինքը ևս կասկածի տակ է դնում արտահերթ ընտրություններին կողմ լինելու հանգամանքը, վարչապետը չի բացառվում, որ փորձի գործընթացն արագացնել՝ կրկին դիմելով ժողովրդի աջակցությանը:
Եթե Նիկոլ Փաշինյանը որոշի գնալ ժողովրդի աջակցությամբ ԱԺ-ն լուծարելու ճանապարհով, արդյոք նրան կհաջողվի՞ կրկնել մայիսի 8-ին արձանագրած հաջողությունը:
