18.11.2024 | 21:37
ՀՀ ԱԺ նախագահի գլխավորած պատվիրակությունը Վիետնամում է
Դեռ հրաժարական չի տվել, հիվանդանոցում է․ Փարաքար համայնքի ղեկավարի տեղակալը՝ համայնքապետի մասին
Քաղաքականություն
18.11.2024 | 17:31
Մամուլում տեղեկություններ են շրջանառվում Փարաքար համայնքի ղեկավար Լյուդվիգ Գյուլնազարյանի հրաժարականի մասին։ Համայնքի ղեկավարի տեղակալ Կարապետ Արթենյանը Factor.am-ի հետ զրույցում ասաց՝ Լյուդվիգ Գյուլնազարյանը դեռ հրաժարական չի տվել։ Ճշտող հարցին, դա նշանակում է՝ Լյուդվիգ Գյուլնազարյանը պատրաստվո՞ւմ է հրաժարական տալ, նա արձագանքեց․ «Համայնքի ղեկավարը տեղում չէ, հիվանդանոցում է, դուրս կգրվի, երևի իրենից կճշտեք։ Ես որևէ տեղեկատվության չեմ տիրապետում»։ Արթենյանն այլ հարցերի չցանկացավ պատասխանել։
Ավելի վաղ մամուլում տեղեկություններ էին տարածվել, որ սպանություն է տեղի ունեցել Երևանի 17-րդ թաղամասում: Ըստ այդ տեղեկությունների՝ սպանության վայրում է եղել նաև Փարաքարի ՔՊ-ական համայնքապետ Լյուդվիգ Գյուլնազարյանը, նա ոտքի հատվածում հրազենային վնասվածք է ստացել:
Քննաչական կոմիտեն էլ տեղեկացրել էր, որ սպանություն է տեղի ունեցել Նազարբեկյան փողոցում։ Նախաձեռնվել է քրեական վարույթ 155-րդ հոդվածի 1-ին մասով` սպանություն, 335-րդ հոդվածով` ապօրինի զենք զինամթերք կրելու։
Հավելենք, որ Լյուդվիգ Գյուլնազարյանը մայիսին էր ստանձնել Փարաքար խոշորացված համայնքի ղեկավարի պաշտոնը։
Մանյա Պողոսյան
