08.10.2026 | 14:07
Պուտինի և Թրամփի միջև հեռախոսազրույցի հստակ ամսաթիվը դեռևս հայտնի չէ
Կտրականապես մերժում ենք անհիմն տեսակետները․ Նիդերլանդների ԱԳՆ-ն արձագանքել է Ալիևի մեղադրանքներին
Քաղաքականություն
14.11.2024 | 21:13
Նիդերլանդների ԱԳՆ-ն արձագանքել է Ադրբեջանի նախագահ Իլհամ Ալիևի կողմից COP29-ի ընթացքում հնչեցված մեղադրանքներին։
«Նիդերլանդների Թագավորությունը կտրականապես մերժում է ռեպրեսիաների մասին անհիմն տեսակետները, որոնք արտահայտել է Ադրբեջանի նախագահը COP29-ի ժամանակ։ Նիդերլանդների Թագավորությունը բաղկացած է չորս ինքնավար և իրավահավասար երկրներից՝ համաձայն Թագավորության կանոնադրության՝ Արուբա, Կուրակաո, Սինտ Մարտեն և Նիդերլանդները, որոնք ներառում են Բոնեյր, Սաբա և Սինտ Էուստատիուս հատուկ մունիցիպալիտետները։ Այս ամենն արդյունք է կղզիներում անցկացված մի շարք հանրաքվեների և խորհրդակցությունների։ Ժողովրդավարական ընտրությունները պարբերաբար անցկացվում են վեց կղզիներից յուրաքանչյուրում»,- ասվում է հայտարարության մեջ։
Նշվում է, որ Նիդերլանդները հավատարիմ է մնում կլիմայական հավակնություններին և COP-ը հաջողակ դարձնելուն, այդ առումով Նիդերլանդները միշտ եղել է փոքր կղզի պետությունների շահերի ակտիվ ջատագովը։
Հիշեցնենք, որ Ալիևն իր ելույթում Ֆրանսիային և Նիդերլանդներին մեղադրել է «գաղութատիրության և մի շարք հանցագործություններ իրականացնելու մեջ»։
Թարգմանությունը՝ Էմմա Չոբանյանի
