04.06.2026 | 20:17
Փաստաբանն ահազանգում է՝ Արթուր Օսիպյանի կյանքի համար լուրջ վտանգ է առկա
Ինչու են Անդրանիկ Քոչարյանին հրավիրել ՔՊ նիստին. Սիսակ Գաբրիելյանը` փակ նիստի մասին․ ՏԵՍԱՆՅՈՒԹ
Քաղաքականություն
13.11.2024 | 14:28
«Ես չունեմ որևէ կոնֆլիկտ ո՛չ Անդրանիկ Քոչարյանի, ո՛չ ՔՊ խմբակցության որևէ անդամի հետ, երբևէ չեմ էլ ունեցել»,- այս մասին ԱԺ-ում լրագրողների հետ զրույցում նշեց ՔՊ խմբակցության պատգամավոր Սիսակ Գաբրիելյանը՝ անդրադառնալով մամուլում շրջանառվող տեղեկություններին, ըստ որոնց, ՔՊ-ում քննարկվել է իր և Հրաչյա Հակոբյանի կոնֆլիկտը Անդրանիկ Քոչարյանի հետ:
«Մենք ինչպես 2018-ից եկել ենք միասին գործընկերային աշխատելու, այդպես էլ շարունակում ենք աշխատել»,- ասաց նա:
Դիտարկմանը, որ ԱԺ-ում տեսանելի է, որ ինքը Անդրանիկ Քոչարյանի հետ չի շփվում, ավելի շատ Խաչատուր Սուքիասյանի հետ է շփվում, Սիսակ Գաբրիելյանն ասաց. «Ես խորհրդարանում շփվում եմ գրեթե բոլորի հետ: Կարող եմ ասել, որ զուտ ենթակառուցվածքային առումով, Ձեր կողմից հիշատակվող Խաչատուր Սուքիասյանը ինձնից մոտ 300 մետր հեռավորության վրա է գտնվում, ես ԱԺ-ում ամենաքիչը իր հետ եմ շփվում: Ես շփվում եմ իմ կողքը նստածների՝ Արուսյակ Ջուլհակյանի, Հրաչյա Հակոբյանի հետ»:
Մանրամասները` տեսանյութում։
