08.08.2026 | 12:34
Փաշինյանն ու Ալիևը հեռախոսազրույց են ունեցել
Նյու Յորքի «Մետրոպոլիտեն» թանգարանում կբացվի «Հայաստան» ցուցադրությունը
Մշակույթ
17.09.2018 | 11:14
Վաղը ՀՀ մշակույթի նախարարությունում (Վազգեն Սարգսյան 3) մշակույթի նախարար Լիլիթ Մակունցը, Հայաստանի պատմության թանգարանի տնօրեն Գրիգոր Գրիգորյանը, Մատենադարանի տնօրեն Վահան Տեր-Ղևոնդյանը, Մայր աթոռի թանգարանների և արխիվների տնօրեն տեր Ասողիկ քահանա Կարապետյանը հանդես կգան մամուլի ասուլիսով. տեղեկացնում է ՀՀ մշակույթի նախարարությունը:
Բանախոսները կանդրադառնան աշխարհի ամենահեղինակավոր մշակութային օջախներից մեկում՝ Նյու Յորքի «Մետրոպոլիտեն» թանգարանում կայանալիք «Հայաստան» (Armenia!) ցուցահանդեսին:
«Հայաստան» ցուցադրությանը հիմնականում ընդգրկված կլինեն ցուցանմուշներ Հայաստանի պատմության ու Էջմիածնի Մայր Տաճարի թանգարաններից և Մատենադարանից: Ցուցադրությունը կներկայացնի 4-17-րդ դարերի հայկական մշակութային ժառանգությունը՝ 140 թանգարանային առարկաներ (մասունքներ, հարուստ նկարազարդում ունեցող ձեռագրեր, խաչքարեր, տպագիր գրքեր և այլն):
«Մետրոպոլիտեն» թանգարանում ցուցահանդեսը կգործի 2018 թվականի սեպտեմբերի 22-ից մինչև 2019-ի հունվարի 13-ը:
