04.08.2026 | 21:30
Երկու տարվա նորոգումից հետո Բելգիայի միապետի աշխատավայրը բացվել է այցելուների համար
Ձերբակալվել է Հովհաննես Ավետիսյանը
Հասարակություն
31.10.2024 | 17:32
Կառավարման մասնագետ Հովհաննես Ավետիսյանն անցած գիշեր ձերբակալվել է ապօրինի զենք կրել, պահելու կասկածանքով: Քննչական կոմիտեի մամուլի խոսնակ Գոռ Աբրահամյանը Factor TV-ի հետ զրույցում ասաց, որ այս գործով 7 անձ է ձերբակալվել, նրանց Ոստիկանությունն է ներկայացրել Քննչական կոմիտե, որտեղ քրեական վարույթ է նախաձեռնվել` ապօրինի զենք զինամթերք կրել, պահելու հոդվածի հատկանիշներով:
Փաստաբան Արսեն Բաբայանը, որը պատրաստվում է ստանձնել Ավետիսյանի պաշտպանությունը, դեռևս որևէ տեղեկություն չունի, բացի նրանից, որ Ավետիսյանը ձերբակալվել է ապօրինի զենք-զինամթերք պահել, կրելու կասկածանքով:
Նշենք, որ Քննչական կոմիտեի մամուլի խոսնակ Գոռ Աբրահամյանը մեզ հետ զրույցում ասաց, որ նույն հոդվածով երկու օր առաջ ձերբակալվել է ևս երկու անձ: Այս ձերբակալություններին երեկ անդրադարձել է փաստաբան Հովհաննես Խուդոյանը` նշելով, որ նրանք հետապնդվում են իրենց քաղաքացիական դիրքորոշումը պաշտպանելու համար։
«Հովհաննես Ավետիսյանի ավտոմեքենայի ապօրինի խուզարկությամբ հայտնաբերելով քաղաքական բովանդակության թռուցիկներ (սկզբից փնտրվում էր զենք)՝ Քննչականը որոշեց շարունակել ձերբակալված պահել անձին ու նրա ընկերոջը»,– հայտնել է Խուդոյանը։
Արաքս Մամուլյան
