04.06.2026 | 20:17
Փաստաբանն ահազանգում է՝ Արթուր Օսիպյանի կյանքի համար լուրջ վտանգ է առկա
Պատգամավոր Արմեն Խաչատրյանը՝ արդարադատության նախարարի թեկնածու
Քաղաքականություն
14.10.2024 | 15:51
ԱԺ «Քաղաքացիական պայմանագիր» խմբակցության պատգամավոր Արմեն Խաչատրյանի թեկնածությունն առաջադրվել է արդարադատության նախարարի պաշտոնում, այս մասին Factor.am-ին տեղեկացրեց պատգամավորը։
«Իմ թեկնածությունն առաջարկել են մեր որոշ պատգամավորներ»,- հավելեց Արմեն Խաչատրյանը։ Խաչատրյանը նշեց, որ ինքն ընդունել է առաջարկը։
Հավելենք, որ առաջիկայում կլինի ՔՊ վարչությանն նիստը, որտեղ արդեն կընտրեն արդարադատության նախարար։
Հիշեցնենք, որ հոկտեմբերի 9-ին տեղի էր ունեցել «Քաղաքացիական պայմանագիր» կուսակցության վարչության նիստ, որտեղ քննարկվել էր նաև արդարադատության նախարարի թեկնածության հարցը։ Factor.am-ին հայտնի էր դարձել, որ քննարկվել էր Արփի Դավոյանի թեկնածությունը։ Մեզ փոխանցված տեղեկությունների համաձայն՝ նրա թեկնածությանը երկու հոգի էր կողմ քվերակել՝ Վահագն Ալեքսանյանն ու Սուրեն Պապիկյանը։
Արդարադատության նախարար Գրիգոր Մինասյանը հոկտեմբերի 1-ին ազատման դիմում է ներկայացրել։ ՔՊ-ական պատգամավորները, որոնց թվում են Արփի Դավոյանը, Անդրանիկ Քոչարյանը, Լուսինե Բադալյանը մինչ այդ ստորագրահավաք էին սկսել Մինասյանին հեռացնելու հարցով։ Ստորագրահավաքին միացել էր ընդհանուր 27 պատգամավոր։ Պատգամավորների հիմնավորումն այն էր, որ քաղաքացիները բողոքում են արդարադատության ոլորտում առկա խնդիրներից։
