22.11.2024 | 15:27
Ազգերի լիգա․ Հայաստանի հավաքականը կմրցի Վրաստանի հետ
ՃՏՊ Բալահովիտ գյուղում․ կա զոհ
Հասարակություն
29.08.2024 | 16:29
Օգոստոսի 29-ին, ժամը 08։21-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Բալահովիտ գյուղում տեղի է ունեցել ՃՏՊ, կա արգելափակված քաղաքացի. անհրաժեշտ է փրկարարների օգնությունը․ տեղեկացնում են ՆԳՆ ՓԾ-ից։
Դեպքի վայր է մեկնել ՆԳՆ ՓԾ Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ բախվել են «KrAZ» մակնիշի բեռնատարը (վարորդ՝ Ա․ Մ․, ծնված 1968 թ.) և «VAZ» մակնիշի ավտոմեքենան (վարորդ՝ Ա․ Բ․, ծնված 1964 թ.)․ վերջինիս վարորդն արգելափակվել է ավտոմեքենայում:
Փրկարարները հասանքազրկել են ավտոմեքենաները, փակել «VAZ» մակնիշի ավտոմեքենայի գազի բալոնի փականն, արգելափակումից դուրս բերել Ա. Բ․-ին և մոտեցրել շտապօգնության ավտոմեքենային, տուժածը հոսպիտալացվել է բժշկական կենտրոն, որտեղ արձանագրվել է նրա մահը:
