24.06.2026 | 14:18
Մոսկվան հուսով է՝ ՀՀ-ն կընտրի ԵՏՄ-ն․ Պեսկով
Մյուռոնօրհնության և Մայր Տաճարի վերաօծման արարողությունների հրավերների առաքումն ընթացքի մեջ է․ Մայր Աթոռ
28.08.2024 | 19:27
Մինչ այս պահը վարչապետի աշխատակազմը Մյուռոնի օրհնության և Մայր Տաճարի վերաօծման արարողություններին մասնակցելու պաշտոնական հրավեր չի ստացել Մայր Աթոռից, այս մասին Factor.am-ին տեղեկացրեց վարչապետի մամուլի խոսնակ Նազելի Բաղդասարյանը։
Նիկոլ Փաշինյանին Մյուռոնի օրհնության և Մայր Տաճարի վերաօծման արարողություններին հրավիրելու վերաբերյալՄայր Աթոռի տեղեկատվական համակարգի տնօրեն Տեր Եսայի քահանա Արթենյանը Factor.am-ին հայտնեց, որ Մյուռոնօրհնության և Մայր Տաճարի վերաօծման արարողությունների հրավերների առաքման գործընթացը ընթացքի մեջ է։
Մայր Աթոռի տեղեկատվական համակարգի տնօրենը նաև նշեց, որ բոլոր հրավերները կառաքվեն այս շաբաթվա ավարտին։
Նշենք, որ Մյուռոնի օրհնության և Մայր Տաճարի վերաօծման արարողությունները նախատեսվում են սեպտեմբերի 28-ին և 29-ին։
Մանյա Պողոսյան
