29.03.2025 | 21:28
Լռության օրվա սահմանափակումները խախտվել են․ «Անկախ դիտորդը» ԿԸՀ դիմում է ներկայացնելու
Պետական աշխատավարձերն ավելի արագ են աճում․ ՀՀ-ն միջին ամսական ցուցանիշով գերազանցում է հարևան երկրներին
Տնտեսություն
12.08.2024 | 17:40
Հայաստանում հունիսին միջին ամսական աշխատավարձն աճել է 3 %-ով։ Այս մասին Factor.am-ը տեղեկանում է ՀՀ Վիճակագրական կոմիտեի հրապարակած տվյալներից։
Այսպիսով՝ հունիսին Հայաստանում միջին ամսական անվանական աշխատավարձը կազմել է 275 հազար 654 դրամ նախորդ տարվա նույն ամսվա 267 հազար 691 դրամի փոխարեն։
Պետական հատվածում աշխատավարձերն ավելի արագ են աճում, քան մասնավորում։ Այսպես․ հունիսին պետական հատվածում միջին ամսական աշխատավարձը աճել է 5,7 %-ով՝ կազմելով 215 հազար 521 դրամ, իսկ մասնավոր հատվածում՝ 2,1 %-ով՝ կազմելով 299 հազար 395 դրամ։
Ընդհանուր առմամբ՝ այս տարվա առաջին կիսամյակում պետական հատվածում միջին ամսական անվանական աշխատավարձն աճել է 10 %-ով, իսկ մասնավոր հատվածում՝ 5,6 %-ով։
Նշենք, որ տարածաշրջանում Հայաստանն ունի ամենաբարձր միջին ամսական աշխատավարձի ցուցանիշը։ Իրանում այն կազմում է 348 դոլար, Ադրբեջանում՝ 544 դոլար, Վրաստանում՝ 580 դոլար, Թուրքիայում՝ շուրջ 405 դոլար, Հայաստանում` շուրջ 709 դոլար։ Նշենք, որ Հայաստանում նվազագույն սպառողական զամբյուղի ամսական արժեքը կազմել է 77 հազար 65.5 դրամ
