15.12.2025 | 22:53
Իրանում ձերբակալվել է Նոբելյան խաղաղության մրցանակի դափնեկիր Նարգիզ Մոհամմադին
Իրանը տեսանելիորեն պատրաստվում է Իսրայելի վրա հարձակման․ The Wall Street Journal
Քաղաքականություն
06.08.2024 | 12:30
Իրանը նկատելիորեն պատրաստվում է հարվածներ հասցնել Իսրայելին և մոտ օրերս կարող է հարձակում ձեռնարկել։ Այս մասին գրում է The Wall Street Journal-ը՝ վկայակոչելով ԱՄՆ վարչակազմի պաշտոնյաներին։
«ԱՄՆ պաշտոնյաները հայտարարել են, որ շաբաթավերջից դիտարկում են, թե ինչպես է Իրանը զբաղվում հրթիռային կայանների տեղաշարժով և զորավարժություններ է անցկացնում, ինչը կարող է վկայել այն մասին, որ Թեհրանն առաջիկա օրերին պատրաստվում է հարձակման»,- ասվում է հոդվածում։
Ըստ պարբերականի զրուցակիցների՝ ամերիկացի բարձրաստիճան պաշտոնյաները կոչ են անում Թեհրանին չսրել հակամարտությունը և ձգտում են այդ հարցում ստանալ արաբական երկրների աջակցությունը։
Երեկ ուշ երեկոյան իրանական IRNA գործակալությունը հայտնել էր, որ պայթյունի ձայներ են լսվել Սպահան քաղաքի հարավային թաղամասերում։ Սպահան նահանգի քաղաքականության, անվտանգության և սոցիալական հարցերի գծով փոխնահանգապետ Մոհամմադ Ռեզա Ջաննեսարը պայթյունների ձայները բացատրել է զորավարժությունների անցկացմամբ, Իսլամական հեղափոխության պահապանների կորպուսը հաստատել է, որ իսկապես զորավարժություններ են անցկացրել այդ տարածքում։
