23.11.2024 | 13:14
Անահիտ Ավանեսյանը այցելել է «Հանրապետական շտապօգնության ծառայության» Շիրակի մարզային կայան
Արտահանումն ավելի արագ է աճում, քան ներմուծումը․ Հայաստանն առաջին կիսամյակում երկնիշ տնտեսական աճ է գրանցել
Տնտեսություն
25.07.2024 | 12:54
Այս տարվա առաջին կիսամյակում Հայաստանում նախորդ տարվա նույն ժամանակահատվածի համեմատ գրանցվել է տնտեսական ակտիվության ցուցանիշի 10,4 % աճ։ Այս մասին տեղեկանում ենք ՀՀ Վիճակագրական կոմիտեի հրապարակած տվյալներից։
Ամենաբարձր աճը գրանցվել է արտահանման ոլորտում․ այն նախորդ տարվա առաջին կիսամյակի համեմատ աճել է 2,3 անգամ՝ կազմելով 7 մլրդ 927 մլն դոլար։ Ներմուծումն աճել է 86 %-ով՝ կազմելով 10 մլրդ 479 մլն դոլար։
Նկատենք, որ արտահանման աճի տեմպը գրեթե կրկնակի արագ է ներմուծման աճի տեմպից։
Արտաքին առևտրաշրջանառության ոլորտը կրկնապատկվել է՝ կազմելով 18 մլրդ 407 մլն դոլար։ Արդյունաբերական արտադրանքի ծավալն աճել է 18 %-ով, առևտրաշրջանառությունը՝ 22,9 %-ով, շինարարության ծավալը՝ 15,7 %-ով, 6%-ով՝ ծառայությունների ծավալը՝ 4,4 %-ով, գյուղատնտեսության համախառն արտադրանքի ծավալը՝ 4 %-ով, էլեկտրաէներգիայի արտադրությունը՝ 5 %-ով, արդյունաբերական արտադրանքի գներն աճել են 2,7 %-ով։
Սպառողական գների ինդեքսը նվազում է գրանցել 0,6 %-ով։ Միայն հունիս ամսին նախորդ տարվա նույն ամսվա համեմատ ՏԱՑ-ն աճել է 7,1 %-ով։
Անժելա Պողոսյան
