22.11.2024 | 19:45
16-ամյա աղջկա սպանության մեղադրանքով արդարացվածները կրկին կանգնեցին դատարանի առաջ. ՄԻԵԴ վճիռն անտեսվեց. ՏԵՍԱՆՅՈՒԹ
Աղվան Հովսեփյանին և ընտանիքին հրավիրել են Դատախազության ապօրինի ծագում ունեցող գույքի բռնագանձման վարչություն
Հասարակություն
23.07.2024 | 11:04
ՀՀ նախկին գլխավոր դատախազ Աղվան Հովսեփյանին և ընտանիքին հրավիրել են Դատախազության ապօրինի ծագում ունեցող գույքի բռնագանձման վարչություն։ Այս մասին տեղեկանում ենք հրապարակային ծանուցումների azdarar.am կայքից։
Մասնավորապես՝ ըստ կայքում առկա տեղեկության՝ Դատախազություն են հրավիրվել Աղվան Հովսեփյանը, նրա որդիներ Նարեկ, Արմեն և Միսակ Հովսեփյանները, և այլ շահագրգիռ անձինք։
«Ղեկավարվելով «Ապօրինի ծագում ունեցող գույքի բռնագանձման մասին» օրենքի 16-րդ և 17-րդ հոդվածներով ծանուցում եմ, որ ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունում Ձեզ պատկանող գույքի առնչությամբ իրականացվել է ուսումնասիրություն, որի արդյունքում կազմվել է ամփոփագիր:
Դուք իրավունք ունեք սույն ծանուցագիրը ստանալու պահից մեկ ամսվա ընթացքում ներկայանալ ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչություն (հասցե՝ ք. Երևան, Տիգրան Մեծ պ. 50)՝ ծանոթանալու գործի նյութերին, ներկայացնելու դիրքորոշում, ինչպես նաև հայտարարագիրն»,- ասված է հրապարակային ծանուցագրերում
Թե կոնկրետ ինչ գույքերի մասին է խոսքը, այս պահին մեզ հայտնի չէ։
Արաքս Մամուլյան
