06.10.2026 | 15:37
Հօգուտ ՀՀ-ի կբռնագանձվի շուրջ 114 միլիոն դրամ. Դատախազության հայցն ամբողջությամբ բավարարվել է
ՌԴ ԱԳՆ-ն արձագանքել է Մոսկվայում ՀՀ դեսպանի փոփոխության մասին Սիմոնյանի հայտարարությանը
Քաղաքականություն
05.07.2024 | 14:34
Մոսկվայում ՀՀ դեսպանի փոփոխության հարցը Հայաստանի իրավասությունն է։ Այս մասին լրագրողներին ասել է ՌԴ փոխարտգործնախարար Միխայիլ Գալուզինը, գրում է ՏԱՍՍ-ը։
«Պետության իրավասությունն է՝ որոշել դեսպանի թեկնածությունը այս կամ այն երկրում։ Այս դեպքում մենք խոսում ենք Ռուսաստանի Դաշնությունում դեսպանին փոխարինելու՝ Հայաստանի ղեկավարության մտադրության մասին»,- ասել է Գալուզինը։
Նա նշել է, որ այդ հարցերի լուծման համար կան ընթացակարգեր, որոնք իրականացվելու են։ Գալուզինը նաև ընդգծել է, որ Ռուսաստանը գոհ է Մոսկվայում Հայաստանի դեսպան Վաղարշակ Հարությունյանի աշխատանքից։
«Միշտ խորը գոհունակությունն եմ զգացել ռուս-հայկական հարաբերությունների, դաշնակցության և ռազմավարական գործընկերության զարգացման և ընդլայնման ուղղությամբ մեր համատեղ աշխատանքից։ Ես երախտապարտ եմ Վաղարշակ Հարությունյանին՝ ռուս-հայկական հարաբերությունների ամբողջ համալիրի ամրապնդման գործում ունեցած մեծ ներդրման համար»,- ասել է ՌԴ ԱԳ փոխնախարարը։
Այսօր ավելի վաղ ՀՀ ԱԺ նախագահ Ալեն Սիմոնյանը հույս էր հայտնել, որ առաջիկայում Հայաստանը ՌԴ-ում նոր դեսպան կունենա։
