08.12.2025 | 17:22
IDBank-ը մասնակցել է Տնօրենների հայկական ինստիտուտի 10-րդ տարեդարձին նվիրված համաժողովին
Ադրբեջանցիների 83,8%-ը կողմ է Հայաստանի հետ խաղաղության պայմանագրի ստորագրմանը․հարցում
Քաղաքականություն
04.07.2024 | 17:18
Ադրբեջանում սոցհարցման մասնակիցների ճնշող մեծամասնությունը կողմ է արտահայտվել Հայաստանի հետ խաղաղության պայմանագրի ստորագրմանը, գրում են ադրբեջանական լրատվամիջոցները։
Նշվում է, որ հարցումն անցկացվել է Սոցիալական հետազոտությունների կենտրոնի կողմից հունիսի 10-ից 22-ը 18 տարեկան և բարձր տարիքի 1152 հարցվածների շրջանում։ Աջակցո՞ւմ եք Ադրբեջանի և Հայաստանի միջև խաղաղության պայմանագրի ստորագրմանը հարցին հարցվածների 83,8%-ը պատասխանել է «այո», 13,5%-ը՝ ոչ, 2,7 %-ը դժվարացել է պատասխանել։
Հավելենք, որ նման հարցումները պաշտոնական Բաքվի քարոզչության բաղադրիչներից են։ Հարցումն անցկացրած Ադրբեջանի սոցիալական հետազոտությունների կենտրոնը գործում է իշխանությունների ենթակայությամբ։ Այն ստեղծվել է Ադրբեջանի նախագահ Իլհամ Ալիևի հրամանով 2019 թվականի փետրվարի 8-ին։
