05.10.2024 | 18:15
Հայաստանը հավակնում է դառնալ տարածաշրջանային տեխնոլոգիական կարևորագույն հաբ-կենտրոն. Մխիթար Հայրապետյան
20-30 տոկոս ընդհանուր ջրաքանակի նվազում ունենք. ՀԾԿՀ նախագահ. ՏԵՍԱՆՅՈՒԹ
Տնտեսություն
04.07.2024 | 14:15
Երկար ժամկետով ջուր չունենալը կանոնների խախտում է, այս մասին Կառավարության նիստին լրագրողների հետ ճեպազրույցում ասել է Հանրային ծառայությունները կարգավորող հանձնաժողովի նախագահ Գարեգին Բաղրամյանը՝ անդրադառնալով ջրանջատումների խնդրին:
«3 օր ջուր չունենալը կանոնների խախտում է: Ընկերությունը առնվազն համապատասխան ջրաքանակ պետք է ապահովեր, եթե ոչ՝ ցիստեռնների միջոցով: Եթե դա չի արվել, խախտվել են կանոնները»,- նշել է նա։
Ըստ նրա՝ ջրի, հոսանքի և գազի առանց զգուշացման անջատում պետք է լինի միայն այն դեպքում, եթե վթարային խնդիր է։
Բաղրամյանի խոսքով՝ ջրանջատումների պատճառը նաև այն է, որ 20-30 տոկոս ընդհանուր ջրաքանակի նվազում կա։
«Մեր վարույթների արդյունքում տուգանվում են միայն այն դեպքում, երբ մեր մոնիթորինգի արդյունքում տեսնում ենք, որ որևէ ընկերություն խախտել է ժամանակացույցը։ Օրինակ՝ քաղաքային պայմաններում էլեկտրաէներգիայի անջատումը պետք է 4 ժամից ավելի չլինի, իսկ եթե լինում է, ապա տուգանվում է և տուգանքը ստանում է սպառողը։ Մեզ մոտ բոլոր ահազանգերն ուսումնասիրվում են։ Ջրի ամենաերկարատև անջատումը եղել է Արզնու ջրատարի վթարի հետևանքով»,- մանրամասնեց նա։
Մանրամասները՝ տեսանյութում։
