07.07.2024 | 01:14
Եվրո-2024. Նիդերլանդների հավաքականը հաղթեց Թուրքիային և դուրս եկավ կիսաեզրափակիչ
Սամվել Շահրամանյանի մեքենան առգրավվել է թմրամիջոցների շրջանառության գործի շրջանակում. ՔԿ
Հասարակություն
02.07.2024 | 11:40
Արցախի վերջին նախագահ Սամվել Շահրամանյանի ծառայողական մեքենան առգրավվել է թմրամիջոցների ապօրինի շրջանառության գործի շրջանակներում։ Տեղեկությունը Factor.am-ի հետ զրույցում հաստատեց ՀՀ քննչական կոմիտեի մամուլի խոսնակ Գոռ Աբրահամյանը։
Ավելի վաղ գրել էինք, որ մեր տեղեկություններով՝ Շահրամանյանի մեքենան առգրավվել է ամիսներ առաջ հասարակական հիմունքներով նրա օգնական Աշոտ Դանիելյանի մոտ թմրանյութ պահելու և իրացնելու մասով նախաձեռնված քրեական վարույթի շրջանակում։
Հիշեցնենք՝ հունիսի 21-ին ՆԳՆ ոստիկանության հատուկջոկատայինները կոտրել էին Երևանում Արցախի Հանրապետության հատուկ ներկայացուցչության երկաթյա դարպասը, ներխուժել ներս և առգրավել Արցախի վերջին նախագահ Սամվել Շահրամանյանին սպասարկող մեքենան։ Այդ օրը Շահրամանյանը հարցաքննության էր հրավիրվել։ Սակայն Factor.am-ի տեղեկություններով՝ Արցախի վերջին նախագահը հարցաքննվել է իր աշխատակազմի ղեկավարի տեղակալ Սարգիս Գալստյանին առնչվող քրեական վարույթի շրջանակում։
Արփի Հակոբյան
