24.04.2026 | 15:21
Հայոց ցեղասպանության 111-րդ տարելիցին հարգանքի տուրք ենք մատուցում 1,5 միլիոն զոհերի հիշատակին. Հունաստանի նախագահ
Դոնալդ Թրամփը մեղավոր է ճանաչվել քրեական գործի բոլոր 34 կետերով
Քաղաքականություն
31.05.2024 | 11:23
Նյու Յորքի ատենակալների դատարանը մեղավոր է ճանաչել ԱՄՆ նախկին նախագահ Դոնալդ Թրամփին բոլոր 34 կետերով, որոնք վերաբերում էին նրա Trump Organization-ի ֆինանսական փաստաթղթերի կեղծմանը՝ դերասանուհի Սթորմի Դենիելսի հետ գործարքում: Այս մասին հայտնում է CNN-ը։
«Սա խայտառակություն է․․․ իրական դատավճիռը կկայացվի նոյեմբերի 5-ին (ԱՄՆ նախագահական ընտրությունների օրը)»,-ասել է Թրամփը դատարանի դահլիճից դուրս գալուց։
Այժմ ամեն ինչ կախված է դատավոր Խուան Մերչանի որոշումից։ Դատավճիռը կկայացվի հուլիսի 11-ին։ Յուրաքանչյուր մեղադրանք ենթադրում է առավելագույնը չորս տարվա ազատազրկում: Դատավճռի հրապարակումից հետո 30 օրվա ընթացքում նախկին նախագահը կարող է վերաքննիչ բողոք ներկայացնել։ Bloomberg-ի փորձագետների կարծիքով՝ Մերչանը Թրամփին կարող է նշանակել, այսպես կոչված, փորձաշրջան, որի ընթացքում դատապարտյալը (եթե ընտրված է պայմանական պատիժ) չպետք է կատարի հանցագործություն կամ որևէ այլ իրավախախտում։
Ուշագրավ է, որ եթե նույնիսկ Թրամփը բանտարկվի, դա չի խանգարի նրան շարունակել նախագահի աթոռի համար պայքարը՝ ամերիկյան սահմանադրությունն այս առումով որևէ սահմանափակում չի դնում։ ԱՄՆ պատմության մեջ արդեն եղել են դեպքեր, երբ բանտարկյալները առաջադրվել են նախագահի պաշտոնում։ Օրինակ՝ ամերիկացի սոցիալիստ Յուջին Դեբսը, որը դատապարտվել էր ամերիկյան տնտեսական համակարգը քննադատելու և ռուս բոլշևիկներին ողջունելու համար, 1920 թվականին բանտում եղած ժամանակ առաջադրվել է ԱՄՆ նախագահի պաշտոնի համար և ընտրություններում ստացել ձայների 3,4 %-ը։
