Քաղաքականություն
31.05.2024 | 11:35
Ալմաթիում մեկնարկել է ՀԱՊԿ երկրների պաշտպանության նախարարների խորհրդի նիստը։ Այս մասին հայտնում է ՏԱՍՍ-ը՝ նշելով, որ Հայաստանը նիստին չի մասնակցում։
Կազմակերպության քարտուղարության ներկայացուցիչ Յուրի Շուվալովը գործակալությանը հայտնել է, որ Հայաստանը չի մասնակցում խորհրդի նիստին, սակայն չի առարկում Ալմաթիում սահմանափակ ձևաչափով որոշումների կայացմանը։ Նա բացատրել է, որ սահմանափակ ձևաչափը «առանց Հայաստանի մասնակցության է»։
Միջոցառումն անցկացվում է ՀԱՊԿ-ում Ղազախստանի նախագահության շրջանակներում։ Մասնակիցները քննարկելու են ՀԱՊԿ հավաքական անվտանգության տարածաշրջաններում ռազմական անվտանգությանը սպառնացող մարտահրավերներն ու սպառնալիքները, կազմակերպության ռազմական բաղադրիչի զարգացման հարցերը:
