19.12.2025 | 11:44
Հայաստանը եղել և մնում է ՀԱՊԿ դաշնակիցը. Տասմագամբետով
Գավառում կասեցվել է հացի 3 արտադրամասի գործունեություն
15.05.2024 | 13:56
ՀՀ սննդամթերքի անվտանգության տեսչական մարմնի Գեղարքունիքի մարզային կենտրոնի տեսուչները վերահսկողական միջոցառումներ են իրականացրել Գավառ քաղաքում գործող «Գավառի հաց» ԲԲԸ-ին պատկանող հացամթերքի արտադրամասում (Գեղարքունիքի մարզ, քաղաք Գավառ)․ տեղեկացնում են ՍԱՏՄ-ից։
Ստուգուման ընթացքում պարզվել է, որ «Գավառի հաց» ԲԲԸ-ին պատկանող արտադրական շենքում գործում է 4 տարբեր հացատեսակների արտադրամասեր՝
1․ «Մատնաքաշ» տեսակի հացի արտադրամաս.
2․ «Պուրի» տեսակի հացի արտադրամաս.
3․ «Թոնրի լավաշ» տեսակի հացի արտադրամաս.
4․ «Լավաշ» գծային արտադրման տեսակի արտադրամաս։
«Պուրի», «Թոնրի լավաշ», «Լավաշ» արտադրամասերում հայտնաբերվել են սանիտարահիգիենիկ նորմերի հետևյալ խախտումներ՝
պատերի մակերևույթները պատրաստված չեն եղել անջրանցիկ, լվացվող և ախտահանող նյութերից.
առաստաղը չի կանխարգելել կեղտի կուտակումը, բորբոսի առաջացումը, առաստաղից մասնիկներ թափվելու հնարավորությունը.
պարենայի հումքի պահեստը ևս ունեցել է վերանորոգման կարիք։
Սննդամթերքի անվտանգությունը վերահսկող մարմինը կասեցրել է հացի 3 արտադրամասի արտադրական գործունեությունը և սահմանել ժամկետ հայտնաբերված խախտումները վերացնելու համար։
