07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Մեր բառապաշարում միանալ բառ չկա, համերաշխ ենք բողոքի ալիքի հետ. Զուրաբյան․ ՏԵՍԱՆՅՈՒԹ
Քաղաքականություն
09.05.2024 | 13:49
Մենք կոշտ քննադատում ենք Նիկոլ Փաշինյանի վարած քաղաքականությունը: Մենք, իհարկե, համերաշխ ենք ընդհանուր բողոքի ալիքի հետ, բայց ամեն ինչ կախված է այդ քաղաքական մեսիջներից ծրագրից: Այս մասին «Հաղթանակի» զբոսայգում լրագրողների հետ զրույցում ասաց ՀԱԿ փոխնախագահ Լևոոն Զուրաբյանը՝ պատասխանելով հարցին՝ ՀԱԿ-ն աջակցո՞ւմ է «Տավուշի հանուն հայրենիքի շարժմանը»։
«Մեր բառապաշարում միանալ բառ չկա, մենք կամ առաջնորդում ենք համաժողովրդական շարժումը, կամ հետևում ենք ուրիշի առաջնորդած շարժմանը և տալիս ենք մեր գնահատականները ըստ պատշաճի: Եթե այս շարժման արդյունքում հարթակ թողնեն մարդկանց, որոնց ժողովուրդը չի ընդունում, անմիջապես կլինեն անհաջողություններ։ Այս պահին ես ձևավորված հարթակ չեմ տեսնում, որ ինչ-որ գնահատականներ տամ: Բայց եթե հարթակը սխալ ձևավորվի, դա պրոբլեմներ է ունենալու» ,- նկատեց Զուրաբյանը։
Ըստ նրա՝ միայն ընտրություններով պետք է լուծվեն հարցերը, այլ տարբերակ չկա։
Մանրամասները՝ տեսանյութում։
