25.11.2024 | 11:51
Սոչի-Անթալիա թռիչքն իրականացնող օդանավը վայրէջքի ժամանակ հրդեհվել է
Առաջին անգամ Լոռու մարզում սև արագիլի բույն է հայտնաբերվել․ NABU
07.05.2024 | 17:42
Հայաստանի համար հազվագյուտ համարվող այս տեսակը հայտնաբերվել է Գերմանիայի բնության պահպանության միության (NABU) հայաստանյան մասնաճյուղի կողմից իրականացված Հայաստանի գիշատիչ թռչունների համալիր ուսումնասիրությունների նպատակով կազմակերպված միջազգային
գիտարշավի շրջանակներում։
Բույնը հայտնաբերվել է սև արագիլի ինկուբացիայի շրջանում: Ահա մի քանի փաստ սև արագիլի (Ciconia nigra) մասին՝
Տեսակը գրանցված է ՀՀ կարմիր գրքում:
ՀՀ-ում սև արագիլը նկարագրվել է հիմնականում չուի ժամանակ՝ Շիրակի, Տավուշի, Արարատի, Սյունիքի, Կոտայքի և Գեղարքունիքի մարզերում (Adamian, Klem 1999):
Ըստ նույն աղբյուրի՝ 1990-ականներին Հայաստանում եղել է 2-3 բույն՝ Տավուշի և Շիրակի մարզերում:
Լոռու մարզում Սպանգենբերգի (1951) կողմից արվել է ենթադրություն սև արագիլի բնադրման վերաբերյալ, սակայն առանց հաստատման:
Հետագայում՝ 2016 թվականին, նկարագրվել է առաջին բույնը Սյունիքի մարզում` Որոտան գետի հյուսիսային վտակներից մեկի հովտում (Ananyan, Abrahamyan 2016):
Նշենք նաև, որ Լոռու մարզում կազմակերպության աշխատակիցները դիտարկում են սև արագիլի զույգին դեռևս 2018 թվականից, իսկ 2024 թվականի ապրիլին հայտնաբերվեց նաև թռչնատեսակի բույնը:
