06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Գարեջուրն ու ծխախոտը թանկացել են, մեքենայի սպասարկման ծառայությունների արժեքը՝ կրկնակի աճել․ ապրիլի գնաճի և գնանկման պատկերը․ ՏԵՍԱՆՅՈՒԹ
Տնտեսություն
08.05.2024 | 18:30
2024 թվականի ապրիլին, նախորդ տարվա նույն ամսվա համեմատ, Հայաստանում արձանագրվել է սննդամթերքի և ոչ ալկոհոլային խմիչքի 4,5% գնանկում, իսկ 2024-ի մարտի համեմատ՝ 1,4% գնաճ: Այս մասին Factor.am-ը տեղեկանում է ՀՀ վիճակագրական կոմիտեի հրապարակած նախնական տվյալներից։
Մեկ տարում հանրապետությունում արձանագրվել է հնդկաձավարի՝ 18.9%, ոլոռի՝ 11.4 %, մակարոնեղենի՝ 11.0 %, ոսպի՝ 4.3%, լոբու՝ 2.5 %, բրնձի՝ 1.5 %, ալյուրի՝ 11.8%, հաճարի՝ 7.9%, ձավարի՝ 7.4%, բլղուրի՝ 6.1% գնանկում։ «Իշխան» ձկնատեսակի գինը նվազել է 7.5%-ով, թեյինը՝ 1.1%-ով, շոկոլադինը՝ 4.6%-ով, կակաոյինը՝ 3.8%-ով, մարգարինի գինը նվազել է 21.9%-ով, պանրինը՝ 8.2%-ով, կարագինը՝ 8.1%-ով, թռչնամսի գինը նվազել է 4.4%-ով, տավարի մսինը՝ 2.5%-ով, արևածաղկի բուսական յուղի գինն էլ նվազել է 20.8%-ով:
Շաքարի և շաքարավազի ապրանքախմբում արձանագրվել է 3.2% գնանկում, բանջարեղենի ապրանքախմբում հանրապետությունում արձանագրվել է 8.2% գնանկում։
Միաժամանակ, թարմ կաթի գինն աճել է 0.7%-ով, խոզի մսինը՝ 0.8%-ով, գառան մսինը՝ 0.8%-ով, սուրճի գինը՝ 3.3%-ով, ձվինը՝ 2.8%-ով։ Ալկոհոլային խմիչքի գներն աճել են 6.9%-ով, ծխախոտային արտադրատեսակներինը՝ 7.6%-ով։
Բնակչությանը մատուցված ծառայությունների ոլորտում 2024 թվականի ապրիլին, 2023-ի ապրիլի համեմատ, սակագներն աճել են 2.8%-ով։
Անժելա Պողոսյան
