09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Սպիտակ գծանշումներ՝ դեղինի փոխարեն
26.04.2024 | 16:28
Մայրաքաղաքում թարմացվում են գծանշումները, հետիոտնային անցումները դեղինի փոխարեն ներկվում են սպիտակով։
Երևանի քաղաքապետարանից Factor.am-ի գրավոր հարցմանն ի պատասխան հայտնել են, որ գծանշման գույների փոփոխությունը պայմանավորված է «ՀՀ կառավարության 2008 թվականի հունվարի 10-ի հ.113-Ն որոշման մեջ փոփոխություններ և լրացումներ կատարելու մասին» ՀՀ կառավարության 2023 թվականի հունվար 19-ի հ.76-Ն որոշմամբ:
«Նախատեսվում է գծանշումների թարմացումն իրականացնել սառը և թերմո պլաստիկով գծանշման եղանակով, որի ժամկետը 2 տարի է: Ներկայումս ստորաբաժանումների կողմից ուսումնասիրություններ են կատարվում՝ 2 տարի հիմնանորոգում չպահանջող փողոցների ցանկ կազմելու համար, որոնցում թարմացումը կիրականացվի նշված գծանշման տարբերակով»,- ասված է պատասխանում։
Հարցմամբ հետաքրքրվել էինք նաև, թե որքան գումար է հատկացվել գծանշումները թարմացնելու համար։ Քաղաքապետարանից հայտնել են, որ 2024 թվականի ընթացքում սպասարկող ընկերությանը դեռևս վճարում չի իրականացվել: Քաղաքապետարանից չեն նշել նաև, թե որ ընկերությունն է իրականացնում այդ աշխատանքները։
Արփի Հակոբյան
