18.05.2024 | 17:55
Կենտրոն վարչական շրջանի և Վանաձորի մի շարք հասցեներում գազանջատումներ կլինեն
Գետ, ոչ թե կոյուղատար․ բնապահպանական քայլարշավ Գետառի հունը բացելու կոչով. ՏԵՍԱՆՅՈՒԹ
Հասարակություն
25.04.2024 | 20:15
Բացե՛լ Գետառ գետի հունը կոչով այսօր մի խումբ երիտասարդներ քայլարշավ էին իրականացնում Երևանի կենտրոնում, իրազեկում մայրաքաղաքում հոսող գետ ունենալու կարևորության և առկա խնդիրների մասին։ Բնապահպանական քայլարշավը նախաձեռնել էին ֆինն վիզուալ արվեստագետ Աննա-Լեա Կոպպեռին և Ալտերնատիվ երիտասարդական կենտրոնը։
Ակցիայի նախաձեռնողները ձկան տեսք ունեցող կտորե գլխարկներով էին, ձեռքերին՝ ճերմակ կտորից պատրաստված ձկներ։ Ալտերնատիվ երիտասարդական կենտրոնի համակարգող Արփինե Գալֆայանն ասում է՝ խորհրդանիշն ընտրել են՝ հաշվի առնելով այն, որ տարիներ առաջ Գետառը լի է եղել ձկներով։
Գալֆայանը հիշեցնում է՝ Գետառը, կոյուղաջրերից և աղբից մաքրվելու փոխարեն, 2000-ականներին ամբողջապես փակվել է՝ մնալով փողոցի և ավտոկայանատեղիների տակ։
Երիտասարդները քայլարշավի ընթացքում փոստային բացիկներ էին բաժանում անցորդներին, որում մարդիկ կարող են Գետառի մասին իրենց դիտարկումները գրել և ներկայացնել Երևանի քաղաքապետարան։
Երևանում Գետառը հաշվառված է ոչ թե որպես գետ, այլ որպես հեղեղատար կոյուղի։ Նրանք դիմում են Երևանի քաղաքապետարանին և Հայաստանի կառավարությանը՝ Գետառը ճանաչել որպես գետ։
Մանրամասները՝ տեսանյութում։
Անի Թամրազյան
