18.05.2024 | 20:00
Ճանապարհից հետ է ընկել․ օրեր անց փրկարարները գտել են սպանված. ՏԵՍԱՆՅՈՒԹ
Վրաստանում բանտից ազատ է արձակվել «օտարերկրյա գործակալների» մասին օրինագծի դեմ ցույցերի մասնակից Լազարե Գրիգորիադիսը
Քաղաքականություն
25.04.2024 | 17:04
22-ամյա վրացի ակտիվիստ Լազարե Գրիգորիադիսը, որը դատապարտվել էր «օտարերկրյա գործակալների» մասին օրինագծի դեմ բողոքի ակցիաներին մասնակցելու համար, ազատ է արձակվել երկրի նախագահ Սալոմե Զուրաբիշվիլիի կողմից ներում շնորհվելուց հետո։ Այս մասին հայտնում է Ազատություն ռադիոկայանի վրացական ծառայությունը և Paper Kartuli-ն։
Բանտից ազատվելուց հետո Գրիգորիադիսն ասել է, որ մտադիր է շարունակել մասնակցել «օտարերկրյա գործակալների» մասին օրինագծի դեմ բողոքի ցույցերին և շնորհակալություն է հայտնել Զուրաբիշվիլիին ազատ արձակման համար։
Նա նաև «քաղաքականացված» է անվանել Թբիլիսիի քաղաքային դատարանի որոշումը, որով դատապարտվել է երկարաժամկետ ազատազրկման։
«Պայքարը շարունակվում է, մենք կհանդիպենք բողոքի ցույցերի ժամանակ»,- ընդգծել է ակտիվիստը։
Ապրիլի 12-ին Թբիլիսիի դատարանը Գրիգորիադիսին դատապարտել է 9 տարվա ազատազրկման՝ 2023 թվականին «օտարերկրյա գործակալների» մասին օրինագծի ընդունման դեմ բողոքի ցույցերի ժամանակ ոստիկանների վրա հարձակվելու և ոստիկանական մեքենա այրելու համար։
