08.09.2026 | 12:46
Շատ խիստ կպատժվեք, եթե շարունակեք ձեր բերանը բացել անպարկեշտ ձևով. Ավինյանը` Զարոկյանին. ՏԵՍԱՆՅՈՒԹ
«Ղարաբաղի հայերը պետք է հնարավորություն ստանան տարածաշրջան վերադառնալու»․ Զախարովա. ՏԵՍԱՆՅՈՒԹ
Քաղաքականություն
18.04.2024 | 15:25
Լեռնային Ղարաբաղի հայերը պետք է հնարավորություն ստանան տուն վերադառնալ՝ նրանց իրավունքների և անվտանգության ապահովման պայմանով։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Ինչ վերաբերում է հայ բնակչությանը, որը լքել է Լեռնային Ղարաբաղը, ապա Ադրբեջանի իշխանությունների կողմից վերաինտեգրման հատուկ ծրագիր է ընդունվել։ Մեկ անգամ չէ, որ ընդգծվել է, որ Ռուսաստանը ողջունում և աջակցում է այդ քայլը։ Ղարաբաղի հայերը պետք է հնարավորություն ունենան վերադառնալ տարածաշրջան՝ իրենց իրավունքների և, իհարկե, անվտանգության պատշաճ ապահովման դեպքում»,- ասել է Զախարովան։
Նրա խոսքով՝ Ռուսաստանն իր հերթին պատրաստ է ամեն կերպ աջակցել այդ գործընթացին։
Մանրամասները՝ տեսանյութում։
