06.08.2026 | 18:13
Սոցցանցերում բոտերը Վրաստանում ռուսների նկատմամբ թշնամանքի մասին գրառումներ են տարածել․ Թբիլիսին հետաքննություն է սկսել
ԱԳ փոխնախարարը՝ ԵՄ դիտորդական առաքելության ժամկետի երկարաձգման մասին
Քաղաքականություն
15.04.2024 | 17:21
«Հայաստանում ԵՄ դիտորդների առաքելության գործունեության ժամկետի երկարացումը կախված է իրավիճակից, ինչպես նշեց վարչապետ Նիկոլ Փաշինյանը։ Եթե լինեն անվտանգային լրացուցիչ ռիսկեր, և իրավիճակը շարունակի մնալ այնպիսին, ինչպիսին կա, բնական է, որ նման անհրաժեշտություն կառաջանա»,- այս մասին Factor.am-ի հետ զրույցում ասաց ՀՀ Արտաքին գործերի նախարարի տեղակալ Պարույր Հովհաննիսյանը։
«Այս պահին դեռևս դա պահում ենք որպես մեր հնարավոր գործողությունների ծրագիր։ Այս պահին կա մեր ցանկությունը, որը կիսվում է եվրոպական կողմից՝ շարժվել այդպես, իհարկե, եթե իրավիճակը բարելավվի, այսպես զգալի ձևով մենք կարող ենք քննարկել նաև այլ տարբերակներ, նկատի ունեմ իրավիճակի սահմանում, անվտագային ռիսկեր և այլն»,- նշեց նա։
Փոխարտգործնախարարի դիտարկմամբ՝ տեսնում են, թե ինչ մեծ դեր են խաղում ԵՄ դիտորդները։
Հիշեցնենք, որ նախորդ շաբաթ Ազգային ժողովում 2023 թվականի կառավարության ծրագրի կատարողականը ներկայացնելիս վարչապետ Նիկոլ Փաշինյանը հայտարարել էր, որ Հայաստանում Եվրոպական Միության դիտորդական առաքելության գործունեության ժամկետը կարող է երկարացվել ևս 2 տարով։ Փաշինյանը նաև ասել էր, որ քննարկվում է ԵՄ դիտորդական առաքելության ժամկետը ևս 2 տարով երկարաձգելու հարցը։
Հավելենք, որ ԵՄ դիտորդներն իրենց առաքելությունը Հայաստանում սկսել են կատարել նախորդ տարվա փետրվարի 20-ից։
Մանյա Պողոսյան
