04.06.2026 | 22:37
Թուրքիան ՆԱՏՕ-ի գագաթնաժողովի համար Անկարայում «կարմիր գոտիներ» կսահմանի և 40,000 անվտանգության աշխատակիցների կտեղակայի
Ադրբեջանը չի ընդունում որևէ քարտեզ, որը բարենպաստ է ՀՀ-ի համար․ Աբրահամյան․ ՏԵՍԱՆՅՈՒԹ
Քաղաքականություն
15.04.2024 | 14:29
Ադրբեջանը չի ընդունում որևէ քարտեզ, որը բարենպաստ է Հայաստանի համար, իսկ մենք ստիպված գնում ենք ադրբեջանական մոտեցումն ընդունելուն, որովհետև դրա այլընտրանքը պատերազմն է, այս մասին ԱԺ «Պատիվ ունեմ» խմբակցության քարտուղար Տիգրան Աբրահամյանը։ Ըստ նրա՝ սա է իշխանության մոտեցումն ու խոստացած հեռանկարը։
Ընդդիմադիր խմբակցության քարտուղարի խոսքով՝ բնակչության ճնշող մեծամասնությունը դեմ է, այսպես կոչված, սահմանային ճշգրտումների այն տարբերակին, որն առաջ է քաշում իշխանությունը։
«Ինչո՞ւ եմ ասում՝ այսպես կոչված, քանի որ այդ 4 գյուղերի հետ կապված գործընթացը որևէ ձևով սահմանագծում և սահմանազատում համարել չենք կարող։ Ըստ էության, դրանով զբաղվող փոխվարչապետի գրասենյակը ևս հայտարարեց, որ այնտեղ սահմանազատում տեղի չի ունենում։ Եվ այս տեսանկյունից, դա այլ բան, քան միակողմանի զիջում անվանել՝ չենք կարող»,-նշեց նա։
