08.09.2026 | 16:32
Նոր սահմանադրության հրապարակված տեքստը պաշտոնական չէ․ 5 օր առաջ ստեղծված կայքը, Իկոնոմովի պնդումը և նախարարության պարզաբանումը
Զախարովան նշել է, թե ՀԱՊԿ-ի կանոնադրության խախտման դեպքում ինչ կարող է սպասվել ՀՀ-ին․ ՏԵՍԱՆՅՈՒԹ
Քաղաքականություն
03.04.2024 | 16:20
Հայաստանը շարունակում է մնալ ՀԱՊԿ-ի լիիրավ անդամ: Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով հարցին, թե ո՞ր դեպքում կարող է ՀԱՊԿ անդամ պետությունն իր տարածքում երրորդ երկրի զորախումբ տեղակայել։
«Ի թիվս այլ բաների՝ ՀԱՊԿ կանոնադրությունը, ինչպես նաև 2011 թվականին ղեկավարների կողմից ստորագրված համապատասխան արձանագրությունը սահմանում են, որ ՀԱՊԿ անդամ պետությունը կարող է որոշել իր տարածքում տեղակայել երրորդ երկրների զորախումբ կամ արտաքին ենթակառուցվածքային օբյեկտներ միայն կազմակերպության մյուս անդամ երկրների հետ հրատապ խորհրդակցություններից հետո»,- ասել է նա:
Ինչ վերաբերում է կազմակերպության ներսում պարտավորությունների խախտման դեպքում պետության համար հնարավոր հետևանքներին, Զախարովան նշել է, որ դրանք նույնպես հստակ արձանագրված են։
«Մենք կարող ենք խոսել Հավաքական անվտանգության խորհրդի որոշմամբ այդ պետության մասնակցությունը ՀԱՊԿ մարմինների գործունեությանը կասեցնելու մասին, և կարող է լինել կազմակերպությունից հեռացում»,- հավելել է նա։
Մանրամասները՝ տեսանյութում։
