23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Տարածաշրջանում խառնաշփոթը պայմանավորված է ՌԴ-ի գործողություններով․ Միլլերը՝ Զախարովային ի պատասխան
Քաղաքականություն
29.03.2024 | 10:56
Տարածաշրջանում խառնաշփոթը, որին մենք ականատես ենք լինում վերջին մի քանի ամիսների ընթացքում, պայմանավորված է Ռուսաստանի գործողություններով: Այս մասին հերթական ճեպազրույցում հայտարարել է ԱՄՆ Պետքարտուղարության խոսնակ Մեթյու Միլլերը՝ արձագանքելով ՌԴ ԱԳՆ պաշտոնական ներկայացուցիչ Մարիա Զախարովայի հայտարարությանը։
Հիշեցնենք՝ ռուսաստանցի դիվանագետը նախօրեին Տելեգրամում գրել էր, թե «ամբողջ աշխարհի աչքի առաջ Հայաստանը վերածվում է հայ ժողովրդի հիմնարար շահերի հետ լիովին հակասող հավաքական Արևմուտքի ծայրահեղ վտանգավոր ծրագրերի իրականացման գործիքի»։
Անդրադառնալով ապրիլի 5-ին Բրյուսելում կայանալիք ՀՀ-ԱՄՆ-ԵՄ հանդիպման վերաբերյալ Զախարովայի հայտարարությանը, թե այն ՌԴ-ի մոտ անհանգստություն է առաջացնում, Միլլերը կրկնել է ավելի վաղ ասվածը։
«Ինչ վերաբերում է Բրյուսելում այս հանդիպմանը, ինչպես ես երեկ ասացի, այն պետք է կենտրոնանա Հայաստանի տնտեսական դիմակայունության վրա, քանի որ այն աշխատում է իր առևտրային գործընկերությունների դիվերսիֆիկացման և հումանիտար կարիքների լուծման ուղղությամբ, և ուրիշ ոչինչ»,- ասել է Պետքարտուղարության խոսնակը։
