04.04.2026 | 12:55
ՔՊ 8-րդ արտահերթ համաժողովը. ՈւՂԻՂ
Պետդեպը՝ ԱՄՆ-Հայաստան-ԵՄ հանդիպման մասին
Քաղաքականություն
27.03.2024 | 11:24
ԱՄՆ Պետքարտուղարության խոսնակ Մեթյու Միլլերը ճեպազրույցում անդրադարձել է ապրիլի 5-ին Բրյուսելում կայանալիք ՀՀ վարչապետ Նիկոլ Փաշինյանի, պետքարտուղար Էնթոնի Բլինքենի և Եվրահանձնաժողովի նախագահ Ուրսուլա ֆոն դեր Լեյենի հանդիպմանը։
Հարցին, թե ինչ հարցեր են հանդիպման օրակարգում, դիտարկվո՞ւմ է Հայաստանին որևէ աջակցություն՝ քաղաքական, տնտեսական, անվտանգային, Միլլերը մանրամասներ չի բացահայտել։
«Ես չեմ պատրաստվում դրա հետ կապված մանրամասնորեն խոսել, միայն կասեմ, որ Հայաստանի և Ադրբեջանի կառավարությունների հետ յուրաքանչյուր ներգրավվածության նպատակն է խրախուսել նրանց աշխատել կամրջելու երկու երկրների միջև տարաձայնությունները և հասնելու կայուն և տևական խաղաղության համաձայնագրի»,- հայտարարել է Պետդեպի խոսնակը։
