06.08.2026 | 16:58
ՆԳՆ պարեկային ծառայության պաշտոնյան կալանավորվել է, էկոպարեկային ծառայության Սևանի տեղամասի պետի պաշտոնավարումը՝ կասեցվել
Հայկական կողմը դեռ չի հստակեցնում Փաշինյան- Ուրսուլա Ֆոն դեր Լայեն-Բլինքեն հանդիպման օրակարգի մանրամասները
Քաղաքականություն
25.03.2024 | 11:25
Ի՞նչ օրակարգով է ապրիլի 5-ին Բրյուսելում տեղի ունենալու Հայաստանի վարչապետ Նիկոլ Փաշինյանի, Եվրոպական հանձնաժողովի նախագահ Ուրսուլա Ֆոն դեր Լայենի և ԱՄՆ պետքարտուղար Էնթոնի Բլինքենի հնարավոր հանդիպումը, Factor.am-ը փորձեց պարզել Անվտանգության խորհրդից։ Գերատեսչությունից մեզ փոխանցեցին, որ հարցերին կարող են պատասխանել միայն գրավոր հարցում ուղարկելու դեպքում։
Արդյո՞ք վարչապետ Նիկոլ Փաշինյանը հաստատել է իր մասնակցությունը եռակողմ հնարավոր հանդիպմանը․ այս հարցի վերաբերյալ Փաշինյանի մամուլի խոսնակ Նազելի Բաղդասարյանը չի շտապում որևէ տեղեկություն հայտնել։ Նա միայն նշեց, որ վարչապետի բոլոր այցերի և հանդիպումների մասին հանրությանը նախապես տեղեկացնում են։
Հիշեցնենք՝ որ օրեր առաջ Անվտանգության խորհրդի քարտուղար Արմեն Գրիգորյանը հայտարարել էր, որ Հայաստանի վարչապետ Նիկոլ Փաշինյանը, Եվրոպական հանձնաժողովի նախագահ Ուրսուլա Ֆոն դեր Լայենը և ԱՄՆ պետքարտուղար Էնթոնի Բլինքենն ապրիլի 5-ին Բրյուսելում կհանդիպեն և որի ժամանակ քննարկվելու են Հայաստանի զարգացմանը նպաստող եռակողմ համագործակցության ուղիները։ Գրիգորյանը նաև տեղեկացրել է, որ միջոցառումը նպատակ ունի ամրապնդելու Հայաստանի դիմակայունությունը:
ԱԽ քարտուղարն այլ մանրամասներ չի հաղորդել՝ նշելով, որ առաջիկայում միջոցառման մասին ավելի մանրամասն խոսելու հնարավորություն կլինի:
Հավելենք, որ Փաշինյանը Եվրոպական հանձնաժողովի նախագահ Ուրսուլա Ֆոն դեր Լայենին հանդիպել էր նախորդ տարի։ 2023-ի հոկտեմբերի 5-ին, Գրանադալում Փաշինյանը հանդիպել էր Եվրոպական հանձնաժողովի նախագահին և քննարկել Արցախից բռնի տեղահանության հետևանքով ստեղծված իրավիճակը, տարածաշրջանային իրադրությանը, Հայաստան-ԵՄ համագործակցության օրակարգին վերաբերող հարցեր:
